Chowkidar: நாய்க்கும் ‘சவ்கிதார்’.. வாண்டடாக தமிழிசையை வம்புக்கு இழுக்கும் ஜி.வி.பிரகாஷ்!

சவ்கிதார் அடைமொழி

இதுபோல் பாரதிய ஜனதா கட்சியை சேர்ந்த நிர்வாகிகள் மற்றும் தொண்டர்கள் தங்கள் பெயருக்கு முன்னாள் 'சவ்கிதார்' என சேர்த்து வருகின்றனர். இதனால் டிவிட்டரில் இந்த ஹேஷ்டேக் டிரெண்டிங்காகி வருகிறது.

வாட்ச்மேன் போஸ்டர்

இந்நிலையில், இதனை தங்கள் படத்தின் விளம்பரத்திற்கு பயன்படுத்திக்கொள்ளும் வகையில், ஜி.வி.பிரகாஷ் நடிக்கும் வாட்ச்மேன் படக்குழு ஒரு போஸ்டரை டிவிட்டரில் வெளியிட்டுள்ளது. அதில், "நானும் சவ்கிதார் தான்", என ஒரு நாய் சொல்வது போல் உள்ளது. அதாவது அந்த நாயின் கழுத்தில் "நானும் சவ்கிதார் தான்" என்ற பலகை மாட்டப்பட்டுள்ளது.

கலாய்க்கும் நெட்டிசன்

சும்மாவே செம கலாய் கலாய்க்கும் நம நெட்டிசன்களுக்கு, புல் மீல்ஸ் விருந்து வைத்தது போல் ஆகிவிட்டது வாட்ச்மேன் போஸ்டர். அவர் அவருக்கு தோன்றும் கருத்துகளை சகட்டு மேனிக்கு பதிவிட்டு வருகிறார்கள். இதன் மூலம் படத்திற்கு விளம்பரம் கிடைத்தது ஒருபுறம் என்றால், மறுபுறம் பாரதிய ஜனதா கட்சியை வம்புக்கு இழுத்தது போலவும் ஆகிவிட்டது.

ஜி.வி.பிரகாஷின் கொள்கை

இந்த படத்தின் கதாநாயகன் ஜி.வி.பிரகாஷ், மத்திய பாஜக அரசுக்கு எதிராக குரல் கொடுத்து வருபவர். குறிப்பாக மத்திய மாநில அரசுகளுக்கு எதிராக நடைபெற்ற பல்வேறு போராட்டங்களுக்கு ஆதரவு அளித்தவர். எனவே தான் இந்த போஸ்டரை படக்குழு துணிந்து வெளியிட்டுள்ளது.