சித்தார்த் அபிமன்யுவைக் கொண்டாடிய மக்கள்... பல நாட்கள் தூக்கமில்லாமல் தவித்த மோகன்ராஜா

தனி ஒருவன்...

ரீமேக் இயக்குநர் என்ற பெயரை உடைத்து மோகன் ராஜாவின் திறமையை வெளிக் கொணர்ந்த படம் தனி ஒருவன். அதேபோல், இப்படத்தில் வில்லனாக நடித்திருந்த அரவிந்த் சாமியின் நடிப்பு பெரிதும் பேசப்பட்டது.

அழகான வில்லன்...

நீண்ட இடைவெளிக்குப் பின் தமிழ் சினிமாவில் எண்ட்ரியான அரவிந்த்சாமி, இப்படத்தில் சித்தார்த் அபிமன்யு என்ற அழகான வில்லனாக அதிரடியாக நடித்திருந்தார். இதனால், அவரது வில்லன் கதாபாத்திரம் பெரிதும் பேசப்பட்டது.

கவலை...

ஆனால், இப்படத்தில் நாயகனை விட்டு விட்டு வில்லனை மக்கள் கொண்டாடியதால், தான் தவறான படத்தை எடுத்து விட்டமோ என மோகன் ராஜாவிற்கு கவலை வந்து விட்டதாம். இதனால் பல இரவுகள் அவர் தூக்கமில்லாமல் தவித்தாராம்.

ஹேப்பி...

ஆனபோதும் யாரும் ஏன் கிளைமேக்ஸில் அரவிந்த் சாமியைக் கொன்றீர்கள் எனக் கேள்வி எழுப்பாதது மோகன் ராஜாவிற்கு ஆறுதலாக அமைந்ததாம். அதனால் அவர் சந்தோசப்பட்டுக் கொண்டாராம்.