கமர்ஷியல் படத்துக்காக என்னால் இதைச் செய்யமுடியாது - 'காலா' நடிகை பளீச்!

நடிப்பு மட்டுமே வாழ்க்கை இல்லை :

'நடிப்பு என்பது எனது வாழ்க்கையின் ஒரு அங்கம் மட்டுமே. பயணம் செய்வது, புத்தகங்கள் வாசிப்பது, சமையல் செய்வது, புதிய விஷயங்களைக் கற்றுக் கொள்வது எனப் பலவகையான செயல்களில் ஈடுபடவே எனக்கு விருப்பம்.

சினிமா பிடிக்கும் :

மற்ற வேலைகளைப் போல நடிப்பதும் ஒரு வேலைதான். சினிமாவில் எனக்கு நல்ல சம்பளம் கிடைக்கிறது. அது எனது செலவுகளைச் சமாளிக்க உதவுவதால் அது பிடித்திருக்கிறது.

கமர்ஷியல் படங்களில் நடிக்கமாட்டேன் :

கமர்ஷியல் படங்களில் நடித்தாலும் நல்ல சம்பளம் கிடைக்கும்தான். அதற்காக நான் ஒரு விற்பனைப் பொருளாக மாறவேண்டும். பெரிய நிறுவனங்கள் தயாரிக்கும் படங்களில் நடிப்பதற்காக பகட்டான ஆடைகளை அணியவேண்டும். என்னால் அவற்றையெல்லாம் செய்யமுடியாது.

நல்ல கதைதான் தேவை :

எனக்குத் தேவையானதெல்லாம் நல்ல கதை, திறமையான இயக்குநர், நல்ல மனிதர்கள், ரசிகர்கள் தான். அதனால் தான் நல்ல கதைகள் கொண்ட படத்தில் மட்டுமே நடிக்கிறேன்' எனத் தெரிவித்துள்ளார் அஞ்சலி பாட்டீல்.