"32 நாட்கள் கமலுக்கு நான் தான் மேக்கப் போட்டேன்" - போட்டுடைத்தார் இயக்குநர் லோகேஷ்

தனக்குத் தானே மேக்கப்

நடிகர் கமல் எப்போதும் தனக்குத் தானே மேக்கப் போட்டுக் கொள்பவர். மேக்கப் கலையின் நுணுக்கங்களை நன்கு அறிந்தவர். இந்நிலையில் விக்ரம் படத்தில் அவருக்கு முகத்தில் இரத்த காயம் இருப்பது போன்ற மேக்கப்பை தான் போட்டுவிடுவதாகவும் தங்களிடம் அதனைக் கற்றுக் கொள்ள விரும்புவதாகவும் லோகேஷ் கேட்க, அதற்கு ஓகே சொன்ன கமல், 32 நாட்கள் லோகேஷை மேக்கப் போட அனுமதித்திருக்கிறார். அப்போது தனக்குத் தெரிந்த பல வித்தைகளையும் கற்றுக் கொடுத்திருக்கிறார்.

இயக்கத்தில் மூக்கை நுழைக்காத கமல்

கமல் தனது படங்களில் திரைக்கதை முதல் இசையமைப்பு வரை எல்லாவற்றிலும் மூக்கை நுழைத்து அதை தனக்குப் பிடித்தது போல் மாற்றுவார் என சினிமாவில் பல காலமாக ஒரு கருத்து நிலவி வருவது அனைவரும் அறிந்த ஒன்று. இந்நிலையில் விக்ரம் படத்தில் தயாரிப்பாளராகவும், நடிகராகவும் கமல் தனது வேலையை மட்டும் செய்துவிட்டு வேறு எந்த விவகாரத்திலும் தலையிடாமல் தனக்கு முழு சுதந்திரம் கொடுத்ததாகவும் லோகேஷ் கூறியிருக்கிறார்.

அதிரடி ஸ்டண்ட் காட்சிகள்

விக்ரம் படத்தில் அதிரடி ஸ்டண்ட் காட்சிகள் பல இடம்பெற்றுள்ள நிலையில் அவற்றில் காட்டப்படும் துப்பாக்கிகள் குறித்த பல விஷயங்களைக் கமலிடம் இருந்து தெரிந்து கொண்டதாகவும் லோகேஷ் அப்பேட்டியில் கூறியிருக்கிறார்.

விதவிதமாக டயலாக் பேசிய கமல்

படத்தின் டீசரில் கமல் சொல்லும் 'ஆரம்பிக்கலாங்களா' என்ற டயலாக் மிகவும் வைரல் ஆனது. அந்த டயலாக்கை பல விதங்களில் சொல்லிக் காட்டியிருக்கிறார் கமல். அவற்றில் எல்லாமே ரசிக்கும் படி இருக்க எதைத் தேர்ந்தெடுப்பது என்ற குழப்பத்தில் இருந்ததாகவும் லோகேஷ் தெரிவித்திருக்கிறார். அதே படத்தில் கமலின் முந்தைய படங்களில் அவர் செய்த கதாப்பாத்திரம் அந்த டயலாக்கை பேசினால் எப்படி இருக்குமென பேசிக் காட்டச் சொல்லியும் தாங்கள் மிகவும் ரசித்ததாக லோகேஷ் அப்பேட்டியில் குறிப்பிட்டிருக்கிறார்.