ரிலீஸ் ஆகும் பயோபிக்.. ஷகிலாவாக என்னை எப்படி ஏத்துக்குவாங்களோ.. பிரபல நடிகை ஆர்வம்!

நடிகர், நடிகைகள்

இவர் சமீபத்தில் போதை பொருள் விவகாரத்தில் பல நடிகர், நடிகைகள் பெயரை மத்திய குற்றப்பிரிவு போலீசாரிடம் அளித்தவர். இந்த படத்தின் ஷூட்டிங் இப்போது முடிந்துவிட்டது. கொரோனாவால் ரிலீஸ் தாமதமான படங்களில் இதுவும் ஒன்று, இந்தியில் உருவாகியுள்ள இந்தப் படம் தமிழ், தெலுங்கு, கன்னட மொழிகளில் டப் ஆகி வெளியாகிறது.

சினிமா துறை

இந்தப் படம் நாளை ரிலீஸ் ஆகிறது. படம் பற்றி நடிகை ஷகிலா அளித்த பேட்டியில் சமூகத்தில் பலரால் ஏமாற்றப்பட்டேன். குடும்ப உறவினர்களிடம் ஏமாந்துள்ளேன். யாரிடமும் ஏமாந்து விட வேண்டாம் என்பதை சினிமா துறைக்கு வரும் பெண்களுக்கு கூற விரும்புகிறேன். இதைத்தான் படமாக்கி இருக்கிறார்கள்' என்று கூறியிருந்தார்.

ஆர்வமாக இருக்கிறேன்

இந்நிலையில், இந்தப் படம் மூலம் தென்னிந்திய சினிமாவிற்கு வரும் நடிகை ரிச்சா சதா படம் பற்றி கூறியிருப்பதாவது: நடிகை ஷகிலாவாக, தென்னிந்திய ரசிகர்கள் என்னை எப்படி ஏற்கப் போகிறார்கள் என்பதைப் பார்க்க ஆர்வமாக இருக்கிறேன். ஷகிலாவின் படங்கள் மற்றும் அவரைப் பற்றி ரசிகர்கள் அறிந்து வைத்திருக்கிறார்கள்.

சொந்த வாழ்க்கை

அவர் கேரக்டரை சரியாகச் செய்திருக்கிறேனா இல்லையா என்பதை ரசிகர்கள்தான் சரியாக கணிக்க முடியும் என நம்புகிறேன்' என்று கூறியுள்ளார். அவர் மேலும் கூறும்போது, படத்தில், ஷகிலாவின் திரை வாழ்க்கையை விட சொந்த வாழ்க்கையில்தான் அதிக கவனம் செலுத்தி இருக்கிறோம்.

பொருந்த முடிந்தது

அவருடைய உறவினர்கள் மற்றும் நெருங்கியவர்களால் அவர் எப்படி ஏமாற்றப்பட்டார் என்பதை சொல்லி இருக்கிறோம். அந்தப் பாதிப்பை என்னோடு தொடர்புப்படுத்திக் கொள்ள முடிந்ததால், அந்த கேரக்டருடன் என்னால் பொருந்த முடிந்தது. இவ்வாறு நடிகை ரிச்சா சதா கூறியுள்ளார். இந்தப் படம் நாளை வெளியாகிறது.