கட்டிப்பிடிப்பதற்காக பிக்பாஸ் வீட்டுக்குள் போகவில்லை - சினேகன் வெளியிட்ட வீடியோ!

நன்றி :

எனக்கு ஆதரவு தந்து வாக்களித்த அனைத்து மக்களுக்கும் நன்றி. நீங்கள் இத்தனை நாட்கள் ஆதரவு தராமல் வேறு ஒரு களத்தில் பிக்பாஸ் வீட்டில் என்னால் 100 நாட்கள் இருந்திருக்க முடியாது.

ஆரவ் வென்றது மகிழ்ச்சி :

ஆரவ் வெற்றிபெற்றதற்கு வாழ்த்துகளைச் சொல்லிக் கொள்கிறேன். என் குடும்பத்தில் ஒருவன் வெற்றி பெற்றிருக்கிறான். அதில் எந்தவித வருத்தமும் இல்லை.

ஏன் அழுதேன் :

நான் அழுதுகொண்டே இருப்பதாகச் சொல்லப்பட்டது. நான் கிராமத்துக்காரன். உணர்வுகளை கண்ணீர் மூலமாகத்தான் வெளிப்படுத்த முடியும். உணர்வுகளை எந்த மொழிகொண்டும் மொழிபெயர்க்க முடியாது. மக்கள் இதை எப்படிப் புரிந்துகொள்வார்கள் என அச்ச உணர்வோடுதான் வெளியே வந்தேன்.

பஸ் மறியல் :

ஆனால், எனக்காக டி.வி-யை எல்லாம் உடைத்தார் ஒரு ஆதரவாளர். ஒரு இடத்தில் பஸ் மறியல் கூட நடந்ததாம். இதையெல்லாம் கேட்கும்போது என்ன சொல்வது என்றே தெரியவில்லை என்று நெகிழ்ச்சியுடன் பேசியுள்ளார்.

கட்டிப்பிடிக்க போகவில்லை :

ஒரு பெண்ணைத் தொடுவதற்கு கூட அந்தப் பெண்ணுக்கு நம்பிக்கை வரவேண்டும். நாங்கள் அன்பின் வெளிப்பாடாகத்தான் அவர்களை அரவணைத்துக் கொண்டோம். அதையும் சினேகன் கட்டிப்பிடிக்கத்தான் அங்கே போயிருக்கிறான் எனப் பேசினீர்கள். எனக்கு விமர்சனமும் தோல்வியும் புதிதல்ல.

சினேகனை காணவில்லை :

சினேகனை காணவில்லை என நிறைய பேர் சமூக வலைதளங்களில் சொல்லியிருக்கிறார்கள். நான் எங்கேயும் ஓடி ஒளியவில்லை. 100 நாட்கள் பிக்பாஸ் வீட்டில் இருந்த நான் ஒரு நாள் ஓய்வு எடுத்துக் கொள்ளலாமே என்றுதான் அமைதியாக இருந்தேன்.

அன்பின் எதிரொலி :

தோல்வி அடைந்தால் கூட இந்த அன்பு என்னை மிக உயரத்தில் வைத்திருக்கிறது. வெற்றி பெற்றிருந்தால் கூட இவ்வளவு அன்பை பெற்றிருப்பேனா எனத் தெரியவில்லை. உங்கள் ஆதரவு இருக்கும்வரை ஊர்க்குருவி போல உயர உயரப் பறந்து கொண்டிருப்பேன்.