பிரேமம் படத்தை எடுக்க என்னை போன்று 31 ஆண்டுகள் 'வெர்ஜினாக' இருக்கணும்: அல்போன்ஸ் புத்ரன்

பாலிவுட்

பிரேமம் ரீமேக் உரிமையை பெற இந்தி திரையுலகை சேர்ந்த 5 பெரிய நிறுவனங்கள் என்னை தொடர்பு கொண்டன. பிரேமம் படத்தை ரீமேக் செய்ய தங்களிடம் திறமையான இயக்குனர்கள் உள்ளதாகவும், அவர்கள் படத்தை என்னை விட சிறப்பாக இயக்குவார்கள் என்றும் 2 நிறுவனங்கள் தெரிவித்தன.

பிரேமம்

பிரேமம் படத்தின் ஸ்பெஷல் மற்றும் தனித்துவம் என்னவென்றால் நான் திருமணம் முடியும் வரை கன்னித்தன்மையுடன் இருந்தேன். 31 அல்லது அதற்கும் மேற்பட்ட ஆண்டுகள் கன்னித்தன்மையுடன் இருந்தவர்களால் தான் பிரேமம் படத்தை என்னை விட சிறப்பாக எடுக்க முடியும் என நம்புகிறேன்.

குழந்தை

சுருக்கமாக சொல்ல வேண்டும் என்றால் என்னை போன்ற குழந்தையால் தான் பிரேமம் படத்தை எடுக்க முடியும்...மாஸ்டர்களால் அல்ல. நீங்கள் பிரேமம் படத்தை கச்சிதமாக எடுக்கலாம் ஒரிஜினலை விட ரிச்சாக காட்டலாம்.

கச்சிதம்

பிரேமம் படத்தின் அழகே அது என்னை போன்று பர்ஃபெக்ட் இல்லை. அதனால் என் படத்தை வாங்குபவர்கள் அல்லது மொழி பெயர்ப்பவர்கள் பர்ஃபெக்ட் ஷாட்களை தவிர்க்க வேண்டும் என்பதை நினைவில் கொள்ளுங்கள் என அல்போன்ஸ் புத்ரன் தெரிவித்துள்ளார்.