ருத்ரமா தேவி ட்ரைலர்... இளையராஜா வெளியிடுகிறார்

தெலுங்கு - தமிழில் குணசேகர் இயக்கத்தில் தயாராகியுள்ள ருத்ரமாதேவி படத்தின் ட்ரைலரை நாளை வெளியிடுகிறார் இசையமைப்பாளர் இளையராஜா.

அனுஷ்கா நடித்துள்ள ருத்ரமாதேவி படம் இந்தியாவின் முதல் ஸ்டீரியோபோனிக் 3டி சரித்திரப் படம் என்ற பெருமையுடன் வெளியாகவிருக்கிறது.

வரும் ஜூன் 26-ம் தேதி படத்தை உலகெங்கும் வெளியிடத் திட்டமிட்டுள்ளனர்.

படத்தின் பாடல்கள் ஆந்திராவின் வெவ்வேறு நகரங்களில் ஏற்கெனவே வெளியாகி, நல்ல வரவேற்பைப் பெற்றுள்ளன.

இப்போது படத்தின் ட்ரைலரை வெளியிடுகிறார்கள்.

படத்துக்கு இசையமைத்துள்ள இளையராஜாவே இந்த ட்ரைலரை நாளை வெளியிடுகிறார்.

ருத்ரமாதேவிக்கு லண்டன் சிம்பொனி இசைக் குழுவை வைத்து பின்னணி இசைக் கோர்ப்பு செய்துள்ளார் இளையராஜா என்பது குறிப்பிடத்தக்கது.