இளையராஜாவின் இசையில் "அம்மா கணக்கு"!

அமலா பால்...

இப்படத்தில் அமலாபால், சமுத்திரக்கனி, ரேவதி ஆகியோர் நடிக்க ஒப்பந்தமாகி இருக்கிறார்கள். இப்படத்திற்கு இளையராஜா இசையமைக்க இருக்கிறார்.

புதிய கூட்டணி...

தனுஷும் இளையராஜாவும் இணைந்து பணியாற்றுவது இதுவே முதல்முறை ஆகும். ஆரம்பத்தில் இளையராஜாவின் மகனான யுவன்சங்கர் ராஜா இசையில் நடித்து வந்தார் தனுஷ்.

அனிருத்...

பின்னர் அனிருத் இசைக்கு மாறினார் தனுஷ். இவர்களின் கூட்டணியில் வெளியான பாடல்களும் வெற்றி பெற்றது. அனிருத்தை வளர்த்து விட்டதே தனுஷ்தான்.

பீப் பாடல்...

இந்நிலையில், சமீபத்தில் பீப் பாடல் பிரச்சினையில் சிக்கினார் அனிருத். அதனைத் தொடர்ந்து அவரது பல பட வாய்ப்புகள் பறிபோயின. இப்போது தனுஷும், அனிருத்தை விட்டு விலகியுள்ளார், வேறு வழியில்லாமல்.

இளையராஜா...

தனுஷ் தற்போது நடித்து வரும் கொடி படத்திற்கு சந்தோஷ் நாராயணனை இசையமைக்க வைத்தார் தனுஷ். அதன் தொடர்ச்சியாக தான் தயாரிக்கும் அம்மா கணக்கு படத்திற்கு இளையராஜாவை அவர் நாடியுள்ளார்.

தனுஷ் பெருமை...

இது தொடர்பாக தனுஷ் தனது டிவிட்டர் பக்கத்தில் வெளியிட்டுள்ள பதிவில், ‘இளையராஜா சாரின் இசை ஆசிர்வாதம் அம்மா கணக்கு படத்திற்கு இருப்பதைப் பற்றி அறிவிப்பதில் மிகவும் பெருமைப்படுகிறேன்' எனத் தெரிவித்துள்ளார்.

தாரை தப்பட்டை...

பொங்கலன்று தான் இளையராஜாவின் 1000வது படம் என்ற பெருமையுடன் பாலாவின் தாரை தப்பட்டை படம் ரிலீசாகி, திரையரங்குகளில் வெற்றிகரமாக ஓடிக்கொண்டிருக்கிறது என்பது குறிப்பிடத்தக்கது.