அதிக வரி செலுத்தியவர்கள்...ரஜினிக்கு விருது வழங்கி கெளரவித்த வருமான வரித்துறை

ஜெயிலர் படத்திற்கு ரஜினியின் சம்பளம்

ஜெயிலர் படத்துக்காக நடிகர் ரஜினிகாந்த் ரூ.150 கோடி சம்பளமாக பெற்றுள்ளதாக கூறப்படுகிறது. இதன்மூலம் தமிழ் திரையுலகில் அதிக சம்பளம் வாங்கும் நடிகராக ரஜினி விளங்குகிறார். இந்நிலையில், தற்போது நடிகர் ரஜினிகாந்துக்கு வருமான வரித்துறை சார்பில் விருது ஒன்று வழங்கப்பட்டு உள்ளது.

ரஜினிக்கு வருமான வரித்துறை விருது

வருமான வரி தினமான இன்று,வருமான வரித்துறை சார்பில் விருது வழங்கும் நிகழ்ச்சி ஒன்று நடத்தப்பட்டது. இதில் தமிழ்நாட்டில் அதிகபட்சமாக வருமான வரி செலுத்திய நடிகர் ரஜினிகாந்திற்கு விருது வழங்கப்பட்டது. இந்த விழாவில் சிறப்பு விருந்தினராக கலந்துகொண்ட புதுச்சேரி கவர்னர் தமிழிசை சௌந்தரராஜன் இந்த விருதை வழங்கினார்.

ரஜினி சார்பில் பெற்றுக் கொண்ட ஐஸ்வர்யா

நடிகர் ரஜினிகாந்த் இந்த நிகழ்ச்சியில் கலந்துகொள்ளாததால், அவருக்கு பதில் அவரது மூத்த மகள் ஐஸ்வர்யா இந்த விருதினை பெற்றுக்கொண்டார். இந்த விழாவில் பேசிய தமிழிசை, "பிரதமர் மோடியின் தொடர் முயற்சியால், பொதுமக்கள் முறையாக வரி செலுத்த முன்வந்துள்ளதாக தெரிவித்தார். அனைவரும் கண்டிப்பாக அரசுக்கு வரி செலுத்த வேண்டும் என கேட்டுக்கொண்ட அவர், வரி செலுத்தாவிட்டால் நாம் இருப்பதையும் இழந்துவிடுவோம் என பேசினார்.

Recommended Video

Rajini's Kutti Story - நிம்மதியாக இருந்தாதான் Focus-ஆக இருக்க முடியும் - ரஜினிகாந்த்

டிரெண்டிங்கில் அசத்தும் ரசிகர்கள்

ரஜினிக்கு விருது கிடைத்துள்ளதை கொண்டாடும் விதமாக ட்விட்டரில் #Rajinikanth ஹேஷ்டேக் டிரெண்டாக்கப்பட்டு வருகிறது. இதில் பலரும் ரஜினியை பாராட்டி வருகின்றனர்.