தமிழ்ப்படங்களை கவிழ்த்து வசூலை வாரிக்குவித்த 'இண்டிபெண்டென்ஸ் டே'

இண்டிபெண்டென்ஸ் டே

ஹாலிவுட் படமான இண்டிபெண்டென்ஸ் டே முதல் வார முடிவில் 81.97 லட்சங்களை வசூலித்து முதலிடத்தில் இருக்கிறது. முதல் வாரத்தில் காஞ்சூரிங் 2 அளவுக்கு வசூலிக்கவில்லை என்றாலும், விரைவில் காஞ்சூரிங் 2 வின் சென்னை வசூலை இப்படம் முறியடிக்கும் என எதிர்பார்க்கப்படுகிறது.

அம்மா கணக்கு

தனுஷ் தயாரிப்பில் அமலாபால், ரேவதி, சமுத்திரக்கனி நடிப்பில் வெளியான அம்மா கணக்கு 25.92 லட்சங்களையும், பாபி சிம்ஹாவின் மெட்ரோ 25.15 லட்சங்களை வசூலித்து பாக்ஸ் ஆபீஸில் 2 மற்றும் 3 வது இடங்களைக் கைப்பற்றியுள்ளன.

எனக்கு இன்னொரு பேர் இருக்கு

ஜி.வி.பிரகாஷின் எனக்கு இன்னொரு பேர் இருக்கு 24.63 லட்சங்களை வசூலித்து 4 இடத்தைத் தக்க வைத்துக் கொண்டுள்ளது. 2 வாரங்கள் முடிவில் இப்படம் 1.33 கோடிகளை வசூலித்து சாதனை புரிந்துள்ளது.

பைண்டிங் டோரி

ஹாலிவுட் படமான பைண்டிங் டோரி 18.62 லட்சங்களுடன் 5 வது இடத்தையும், சுந்தர்.சி நடிப்பில் வெளியான முத்தின கத்தரிக்கா 8.87 லட்சங்களுடன் 6 வது இடத்தையும் தக்க வைத்துக் கொண்டுள்ளன.

ராஜா மந்திரி

மெட்ரோ, அம்மா கணக்கு படங்களுடன் வெளியான ராஜா மந்திரி 9 லட்சங்களை மட்டுமே வசூலித்துள்ளது. இதேபோல பாலிவுட் படமான உத்தா பஞ்சாப் 4.83 லட்சங்களை வசூலித்து பாக்ஸ் ஆபீஸில் கடைசி இடத்தைப் பிடித்துள்ளது.