சந்தானம் நாயகனாக நடித்த இனிமே இப்படித்தான் படம் வரும் ஜூன் 12-ம் தேதி வெளியாகிறது. இதனை அதிகாரப்பூர்வமாக அறிவித்துள்ளார் சந்தானம்.
இந்தப் படத்தில் சந்தானத்துக்கு ஜோடியாக நடித்துள்ளார் அஷ்னா சவேரி. வல்லவனுக்குப் புல்லும் ஆயுதம் படத்தில் சந்தானத்துடன் நடித்தவர்தான் இவர். இன்னொரு நாயகியாக கதை திரைக்கதை வசனம் இயக்கத்தில் நடித்த அகிலா கிஷோர் நடித்துள்ளார்.
முருகன் - ஆனந்த் இயக்கியுள்ள இந்தப் படத்தின் இசை வெளியீடு சமீபத்தில் பிரமாண்டமாக நடந்தது.
இந்த நிலையில் வரும் ஜூன் 12-ம் தேதி முதல் படத்தை உலகெங்கும் வெளியிப் போவதாக அறிவித்துள்ளார் சந்தானம்.
இதனை அவர் தனது ட்விட்டர் பக்கத்தில் தெரிவித்துள்ளார்.
இந்தப் படத்தை சந்தானம் தனது ஹேன்ட் மேட் பிலிம்ஸ் மூலம் தயாரித்துள்ளார். இந்தப் படத்தை சந்தானத்தின் நண்பர் உதயநிதி ஸ்டாலின் வெளியிடக் கூடும் என்று தெரிகிறது.
