நாயகன் "தலைவா" மாதிரி "பாட்ஷா" அஜீத்தா???

சென்னை: நாயகன் உள்ளிட்ட படங்களை எடுத்து பட்டி பார்த்து டிங்கரிங் செய்து தலைவா உருவானது போல பாட்ஷா படத்தை எடுத்து அஜீத்தை வைத்து அடுத்த படத்தை எடுக்க வேலைகள் நடந்து வருவதாக தகவல்கள் கூறுகின்றன.

விஜய் நடித்த தலைவா படத்தைப் பார்த் பலரும் அடேட நாயகன் சாயல் நிறையத் தெரியுதே என்று பகிரங்கமாகவே சொன்னார்கள். நாயகன் படத்தின் பல காட்சிகள் அந்த அளவுக்கு தலைவா படத்துக்கு "இன்ஸ்பிரேஷன்" ஆக இருந்தது.

இந்த நிலையில் அஜீத் நடிக்கும் 56வது படத்தின் கதை பாட்ஷா கதை என்று சொல்கிறார்கள் இப்போது. அதாவது பாட்ஷா படத்தின் ரீமேக் இது என்கிறார்கள்.

தற்போது அஜீத், வீரம் பட இயக்குநர் சிவா இயக்கத்தில் நடித்து வருகிறார். இதில் ஸ்ருதி ஹீரோயினாக நடித்துள்ளார். இந்தப் படத்திற்கு இன்னும் பெயர் சூட்டவில்லை. படத்தின் கதை குறித்து ஆளாளுக்கு சொல்ல ஆரம்பித்துள்ளனர்.

இதுவும் ஒரு டான் கதைதான், குறிப்பாக பாட்ஷா படம் போன்ற கதை என்றும் சொல்கிறார்கள். இன்னும் சிலரோ பாட்ஷா படத்தைத்தான் ரீமேக் செய்கிறார்கள் என்றும் சொல்ல ஆரம்பித்துள்ளனர்.

உண்மை என்ன என்பது தெரியவில்லை.. ஒரு வேளை நாயகன் படத்தின் இன்ஸ்பிரேஷனில் தலைவா உருவானது போல, பாட்ஷா இன்ஸ்பிரேஷனில் இந்த அஜீத் படம் உருவாகிறதா என்றும் தெரியவில்லை!