காலாதான் கடைசியா... அல்லது இன்னும் படங்கள் பண்ணுவாரா?

கடைசி படம்

ரஜினிகாந்தின் கடைசி படம் காலாதான். அதற்குப் பிறகு அவர் முழுமையாக அரசியலில் ஈடுபடுவார் என்று முன்பு கூறப்பட்டது. வழக்கம்போல எந்த மறுப்பும் இல்லை ரஜினி.

இன்னும் இரு படங்கள்

ஆனால் இந்தப் படத்துக்குப் பிறகு இன்னும் இரண்டு படங்களில் ரஜினி நடிக்கக் கூடும் என்கிறார்கள். அதுகுறித்த பேச்சுவார்த்தையிலும் ரஜினி ஈடுபட்டு வருவதாகவும் கூறப்படுகிறது.

வெற்றி மாறன் சந்திப்பு

இதற்கிடையே ரஜினியை இயக்குநர் வெற்றிமாறன் சந்தித்தது பல்வேறு யூகச் செய்திகளுக்கு காரணமாகிவிட்டது. ரஜினியின் அடுத்த படத்தை வெற்றிமாறன்தான் இயக்கப் போகிறார் என அடித்துச் சொல்கிறார்கள் சிலர்.

ராஜமௌலி?

ரஜினி - ராஜமௌலி காம்பினேஷனில் ஒரு படம் உருவாக வேண்டும் என்பது ரஜினி ரசிகர்களின் கனவு. அதேபோல முதல்வன் 2 கதையில் ரஜினி நடிக்க வேண்டும் என்பது இயக்குநர் ஷங்கரின் விருப்பம்.

அரசியலுக்கு வந்த பிறகும்...

எம்ஜிஆர் அதிமுகவை ஆரம்பித்த பிறகும் தொடர்ந்து பல படங்களில் நடித்தார். அதுபோல, தேர்தலுக்கு அவகாசமிருக்கும்பட்சத்தில் ரஜினியும் இரண்டு அல்லது மூன்று படங்களில் நடிக்கும் வாய்ப்புள்ளதாகவே தெரிகிறது.