லோகேஷ் கனகராஜ் இயக்கியது விக்ரம் 2 ஆ...கமலே சொன்ன சுவாரஸ்ய தகவல்

இது கமல் சொன்ன கதையா

தற்போது லோகேஷ் கனகராஜ் இயக்கி இருப்பது விக்ரம் 2 ஆ என்ற கேள்விக்கு பதிலளித்த கமல், பழைய விக்ரம் படத்திற்கும் இந்த படத்திற்கும் ஒரு சம்பவத்தை தவிர வேறு எந்த ஒற்றுமையும் கிடையாது. விக்ரம் படத்தின் கதை பற்றி நாங்கள் ஆலோசனை நடத்திய போது, யதார்த்தமாக பேச்சுவாக்குல ஒரு கதையை கூறினேன். அந்த கதை அவருக்கு மிகவும் பிடித்து போய், அதையே டெவலப் செய்து, முழு கதையையும் உருவாக்கி விட்டார்.

லோகேஷின் படம் இது

கதையின் ஆரம்ப புள்ளி நானாக இருந்தாலும் அதை முழு கதையாக உருவாக்கி, அவருக்கே உரிய ஸ்டைலில் படமாக்கி முடித்துள்ளார் லோகேஷ் கனகராஜ். சில சமயங்களில் சில நல்ல படங்கள் வெளிவருவதில்லை. ஆனால் தொழில்நுட்பத்திற்கு நன்றி. தகுந்த விடாமுயற்சியுடன் எடுக்கப்படும் எந்த படமும் வெளிவரும். அது தான் விக்ரம் படத்திற்கும் நடந்துள்ளது.

எனக்கு யாரும் போட்டியில்லை

என்னுடன் நடிக்கும் கலைஞர்களை நான் ஒரு போதும் போட்டியாக நினைத்தது கிடையாது. அவர்களின் திறமைகள் மட்டுமே எனக்கு போட்டி. அதே போல் விக்ரம் படத்தில் விஜய் சேதுபதி, ஃபகத் ஃபாசிலின் நடிப்பு. போட்டி போடுபவர்கள் யாராக வேண்டுமானாலும் இருக்கட்டும், நடிகரோ, நடிகையோ அது முக்கியமல்ல. ஆனால் இறுதியில் படம் வெற்றி பெற வேண்டும். விஜய் சேதுபதி, ஃபகத் ஃபாசில் ஆகியோர் நடிப்பில் கைதேர்ந்தவர்கள் . அதனால் அவர்களுக்கு போட்டியாக என்னுடைய நடிப்பில் தான் நான் கவனம் செலுத்தினேன்.

Recommended Video

விடியலை யார் பார்க்கணும்னு நான் தான் முடிவு பண்ணுவேன்!... Surya இருக்காரா? | Filmibeat Tamil

விக்ரம் பார்ட் 2 கிடையாது

விக்ரம் படத்தில் சூர்யாவின் பங்கு முக்கியமானது. அழுத்தமான ஸ்பெஷல் ரோல். இறுதி வரை படத்தில் அவர் நடித்திருப்பார். அவருடைய ரோல் படத்தை அடுத்த பாகத்திற்கு அழைத்து செல்வதாக இருக்கும். நீங்கள் சொல்வதை போல் சொல்ல வேண்டுமானால் பார்ட் 3 ஆக இருக்கும். ஆனால் தற்போது லோகேஷ் கனகராஜ் இயக்கி உள்ளது விக்ரம் பார்ட் 2 கிடையாது. இது முற்றிலும் மாறுபட்ட வேறு கதை என கமல் தெரிவித்துள்ளார்.