ராஜமெளலி படத்தில் கமலா...இது நம்ம லிஸ்டிலயே இல்லையே...வேற லெவல் மாஸ்

நீளும் டைரக்டர்கள் லிஸ்ட்

சமீபத்தில் நடைபெற்ற விக்ரம் ஆடியோ வெளியீட்டு விழாவில், கமலை வைத்து விருமாண்டி ஸ்டைலில் மதுரை கதைக்களத்தில் ஒரு படம் எடுக்க உள்ளதாக பா.ரஞ்சித் தெரிவித்தார். தொடர்ந்து பேசிய கமல், லோகேஷ் கனகராஜ் இயக்கத்தில் மீண்டும் ஒரு படத்தில் நடிக்க உள்ளதாகவும், ரத்னகுமாரிடமும் ஒரு கதை கேட்டு வருவதாகவும் தெரிவித்தார். இதற்கிடையில் வெற்றிமாறன், மலையாள டைரக்டர் மகேஷ் நாராயணன் என பலரும் கமலை இயக்க போகும் டைரக்டர்கள் பட்டியலில் இடம்பெற்றுள்ளனர்.

என்னது கமலை இவர் இயக்க போகிறாரா

இதற்கிடையில் யாரும் எதிர்பாராத விதமாக, இந்தியாவின் தலைசிறந்த டைரக்டர்களில் ஒருவராக கொண்டாடப்படும் எஸ்.எஸ்.ராஜமெளலி, தான் இயக்க போகும் அடுத்த படத்தில் ஒரு பவர்ஃபுல்லான ரோலில் நடிக்க வேண்டும் என கமலிடம் கேட்டுள்ளாராம். ஆர்ஆர்ஆர் படத்தின் பிரம்மாண்ட வெற்றியை தொடர்ந்து மகேஷ் பாபுவை வைத்து ராஜமெளலி ஒரு படம் இயக்க போவதாக ஏற்கனவே தகவல் வெளியாகி உள்ளது.

மகேஷ்பாபு படத்தில் கமலா

மகேஷ்பாபுவை வைத்து இயக்க போகும் இந்த படத்தின் மற்றொரு லீட் ரோலில் கமல் நடிக்க வேண்டும் என ராஜமெளலி கேட்டுள்ளாராம். இந்த படத்தில் ஒன்று இளம் ஹீரோ, மற்றொன்று வயதான ஹீரோ கேரக்டர் ரோல் உள்ளதாம். அந்த வயதான ஹீரோ ரோலில் நடிக்க கமல் தான், ராஜமெளலியின் முதல் தேர்வாக இருந்ததாம். கமல் - ராஜமெளலி படத்தின் பேச்சுவார்த்தை ஆரம்ப கட்டத்திலேயே உள்ளதாம். ராஜமெளலி - மகேஷ்பாபு இணையும் படத்தில் நடிப்பது பற்றி கமல் இதுவரை எந்த முடிவும் எடுக்கவில்யைாம். விரைவில் இது பற்றிய அறிவிப்பு வெளியிடப்பட உள்ளதாம்.

Recommended Video

விடியலை யார் பார்க்கணும்னு நான் தான் முடிவு பண்ணுவேன்!... Surya இருக்காரா? | Filmibeat Tamil

வேற லெவல் மாஸா இருக்குமே

கமல் படம், ராஜமெளலி படம் என்றாலே எதிர்பார்ப்பு எகிறும். இதில் இருவரும் இணையும் படம் என்றால் மாசுக்கும் பிளாக்பஸ்டர் ஹிட்டிற்கும் சொல்லவா வேண்டும். தனது படத்தில் நடிக்க ராஜமெளலி, கமலிடம் கேட்டுள்ளதாக தகவல் வெளியானதும் ரசிகர்கள் சந்தோஷம் கலந்த ஆச்சரியத்தில் உள்ளனர். இதற்கு கமல் ஓகே சொல்வாரா என்பது தான் தற்போது அனைவரின் எதிர்பார்ப்பாகவும், ஓகே சொல்லி விட்டால் வார்த்தையால் சொல்ல முடியாத பிரம்மாண்ட படைப்பாக இந்த படம் இருக்கும் என விருப்பமாகவும் உள்ளது.