இளையராஜா–ஏ.ஆர்.ரஹ்மான் காம்போவை புக் பண்ண போற டைரக்டர் இவர் தானா?

இளையராஜா–ஏ.ஆர்.ரஹ்மான் சந்திப்பு

துபாயில் ஏ.ஆர்.ரஹ்மான் ஸ்டூடியோவிற்கு இளையராஜா சென்ற போட்டோவை ஏ.ஆர்.ரஹ்மான் இன்ஸ்டாகிராமில் பகிர்ந்தார். அதோடு தங்கள் இசை குழுவுடன் இளையராஜா இசை அமைக்க வேண்டும் என கேட்டுக் கொண்டார். அடுத்த நாளே இளையராஜாவும், கோரிக்கையை ஏற்பதாகவும். விரைவில் இசை அமைக்கும் பணி துவங்கும் என்றார். இதை ஏ.ஆர்.ரஹ்மானும் கை தட்டி வரவேற்று, மகிழ்ச்சி தெரிவித்தார்.

ஆர்வம் காட்டும் அமுதன்

இந்த இசை ஜாம்பவான்கள் இணைய போவது உறுதியான தகவல் இசை பிரியர்களை மட்டுமின்றி ஒட்டுமொத்த சினிமாவையே எதிர்பார்க்க வைத்து விட்டது. இந்நிலையில் டைரக்டர் சி.எஸ்.அமுதன், இந்த கூட்டணி இணைவது நிஜமானால் அதை தான் பயன்படுத்திக் கொள்ள தயாராக இருப்பதாக ட்விட்டரில் தெரிவித்துள்ளார்.

உங்களால மட்டும் தான் முடியும்

அமுதனின் இந்த ட்வீட்டிற்கு பதிலளித்துள்ள டைரக்டர் வெங்கட் பிரபு, அது உங்களால் மட்டும் தான் முடியும் என ட்வீட் செய்துள்ளனர். இளையராஜா - ஏ.ஆர்.ரஹ்மான் இணைவதை பற்றி ரசிகர்கள் தான் பேசிக் கொண்டிருக்கிறார்கள் என்றால், பிரபலங்கள் கூட இதை பற்றி தான் பேசிக் கொண்டிருக்கிறார்கள்.

யார் இந்த அமுதன்

மெர்சி சிவா நடித்த தமிழ் படம் மூலம் டைரக்டரானவர் அமுதன். தமிழ் படம் 2 ஐயும் இவர் தான் இயக்கினார். தற்போது விஜய் ஆன்டனி நடிக்கும் ரதம் படத்தை இயக்கி வருகிறார். முதல் இரண்டு படங்களை காமெடி படமாக இயக்கிய அமுதன், தற்போது மூன்றாவது படத்தை மிக சீரியசான படமாக இயக்கி வருகிறார். இவர் இளையராஜா-ஏ.ஆர்.ரஹ்மான் காம்போவை பயன்படுத்த விருப்பம் தெரிவித்துள்ளதால் இவரின் அடுத்த படத்தின் மீதான எதிர்பார்ப்பு ஏற்பட்டுள்ளது.