பிக் பாஸ் தமிழ் சீசன் 5ன் டைட்டிலை தட்டித் தூக்கிய ராஜு.. பரிசுத் தொகை எவ்வளவு தெரியுமா?

கமலுடன் புகைப்படம்

பிக் பாஸ் வீட்டுக்குள் உலக நாயகன் கமல்ஹாசன் உள்ளே சென்று இறுதி போட்டியாளர்களான பிரியங்கா மற்றும் ராஜுவுக்கு தனது வாழ்த்துக்களை கூறினார். ஏற்கனவே பிரியங்காவுக்கு மைக் மற்றும் ராஜுவுக்கு பேனா பரிசளித்த கமல் இருவருடனும் புகைப்படம் எடுத்து உடனடியாக அது ஃபிரேம் செய்யப்பட்டும் பரிசாக வழங்கப்பட்டது.

ராஜுவா? பிரியங்காவா?

பிரியங்காவின் கையை உயர்த்திய கமல் இப்படி ஒத்திகை செய்து பார்த்துக் கொள்ள வேண்டும் ஒரு வருடம் ஆகிவிட்டது அல்லவா? ராஜுவா அல்லது பிரியங்காவா? யார் கையை இப்படித் தூக்கி வெற்றியாளரை அறிவிக்கப் போகிறேன் என பார்க்கலாம் என இருவரது கையையும் மாறி மாறி தூக்கினார் கமல்.

வின்னர் ராஜு

இறுதியில் கமல்ஹாசன் ராஜுவின் கையை உயர்த்திப் பிடிக்க பின்னாடி உள்ள பெரிய திரையில் டைட்டில் வின்னர் ராஜு என தோன்றியது. பட்டாசு வெடிக்க ரசிகர்கள் மற்றும் போட்டியாளர்கள் ராஜுவின் அம்மா மற்றும் மனைவி ஆர்ப்பரிக்க டைட்டில் வின்னராக மாறினார் ராஜு ஜெயமோகன்.

கடைசி வரை டவுட்

டைட்டில் வின்னராக வந்து விடுவேன் என ரொம்பவே எதிர்பார்த்து விட்டேன் அதனால் கடைசியில் கிடைக்காமல் போய் விடுமோ என்றே நினைத்தேன் சார். சிவகார்த்திகேயன் அண்ணா வந்ததும் தம்பி வெளியே வான்னு சொல்லி கூப்பிட்டு விடுவாரோன்னு பயந்தேன் சார் என கடைசி வரை தனக்கு கோப்பை கிடைக்குமா? கிடைக்காதா? என்கிற சந்தேகத்துடனே இருந்ததாக ராஜு கூறினார்.

பிரியங்கா வாழ்த்து

என் கோபாலுக்கு டைட்டில் கிடைத்தது ரொம்ப சந்தோஷம் சார். அவன் கிட்ட இருக்குற பொறுமை என்கிட்ட இல்லை என ரொம்பவே ஃபீல் பண்ணியிருக்கிறேன். அதை கற்றுக் கொண்டால் கொஞ்சமாவது எடுத்துச் சென்றால் நான் ரொம்ப சந்தோஷப்படுவேன் சார். தாரிகா உங்களுக்கு நல்ல கணவர் கிடைத்திருக்கிறார் என பிரியங்கா மனதார வாழ்த்தினார்.

50 லட்சம் பரிசு

வழக்கம் போலவே இந்த சீசனிலும் ரூ. 50 லட்சம் பரிசுத் தொகை டைட்டில் வின்னர் ராஜுவுக்கு வழங்கப்பட்டது. ராஜுவின் அம்மா கண்ணீர் மல்க வணக்கம் தெரிவித்தார். மனைவி தாரிகா சந்தோஷத்தில் பேச்சே வராமல் கணவர் ராஜுவை கட்டியணைத்த நெகிழ்ச்சியான தருணங்களுடன் இந்த சீசன் பிக் பாஸ் நிகழ்ச்சி நிறைவடைந்தது. அடுத்து பிக் பாஸ் அல்டிமேட் எனும் பிக் பாஸ் ஒடிடி விரைவில் ரசிகர்களை குஷிப்படுத்த காத்திருக்கிறது.