ஜாக்சன் துரை.. பயப்பட மாட்டீங்க.. 'கீகீகீ'ன்னு சிரிப்பீங்க.. உத்தரவாதம் தரும் டைரக்டர்!

படப்பிடிப்பின் போது...

மேலும் இது தொடர்பாக தரணிதரன் கூறுகையில், "படப்பிடிப்பின்போது அவர்களைப் பார்த்தால் அப்பா, மகன் போலவே இல்லை. அப்படி நடந்து கொள்ளவே இல்லை. அவ்வளவு ஜாலியாக, நட்பாக இருவரும் பழகினர்.

நோ அட்வைஸ்...

இருவரும் ஒருவரை ஒருவர் மதித்து நடத்தியதுதான் என்னை ரொம்பக் கவர்ந்தது. அவரவர் வேலையை அவரவர் பார்த்தனர். யாரும் யாருடைய வேலையிலும் தலையிடவில்லை. அறிவுரை கூறவில்லை.

புது வடிவம்...

படத்தில் இவர்களுக்கு இடையிலான கெமிஸ்ட்ரி அட்டகாசமாக வந்துள்ளது. இது படத்திற்கும் புது வெயிட் கொடுத்துள்ளது. உண்மையில் இவர்களின் காம்பினேஷனால் படத்திற்கு புது வடிவமுபம் கிடைத்துள்ளது.

காமெடி பேய்...

சிபிராஜ் ரோலைப் பார்த்தால் விழுந்து விழுந்து சிரிப்பீர்கள். அப்படி ஒரு கேரக்டர் அவருக்கு. காமெடி போலீஸாக அவர் வருகிறார். மறுபக்கம் சத்யராஜ் பேயாக வருகிறார். அவரும் சிரிப்பில் கலக்குவார்.

பேயாக மாறிய கட்டப்பா...

முதலில் பேய் வேடத்தில் நடிக்க அவர் மறுத்தார். பாகுபலி நடிச்சாச்சு. இனிமே போய் பேய்னா எப்படி என்று கேட்டார். நான்தான் அவரை உட்கார வைத்து விளக்கி, ஒரு சிறிய காட்சியையும் காட்டினேன். பிறகுதான் வழிக்கு வந்தார். உடனே சம்மதித்தார்" என்றார் தரணிதரன்.

நாளை ரிலீஸ்...

இப்படத்தில் பிந்துமாதவி, மொட்டை ராஜேந்திரன், கருணாகரன் ஆகியோரும் உள்ளனர். படம் நாளை திரைக்கு வருகிறது.