உங்களுக்கு முத்தம் கொடுக்கட்டா.. ஜொள்ளு விட்ட நெட்டிசன்.. ஸ்ரீதேவி மகள் என்ன பண்ணாங்க தெரியுமா?

வலிமை பட தயாரிப்பாளர்

மறைந்த நடிகை ஸ்ரீதேவி மற்றும் வலிமை பட தயாரிப்பாளர் போனி கபூரின் மகளான ஜான்வி கபூர் பாலிவுட்டில் இளம் நடிகையாக வலம் வருகிறார். ஏற்கனவே பாலிவுட்டில் வாரிசு நடிகர்கள் பிரச்சனை அதிகரித்து இருந்தாலும், ஜான்வி கபூருக்கு ரசிகர்கள் மத்தியில் நல்ல வரவேற்பு கிடைத்து வருவது குறிப்பிடத்தக்கது.

10 மில்லியன் ரசிகர்கள்

மராத்தியில் வெளியாகி மிகப்பெரிய வெற்றியை பெற்ற சைரத் படத்தின் இந்தி ரீமேக்கான ததக் படம் மூலம் 2018ம் ஆண்டு ஹீரோயின் ஆன ஜான்வி கபூருக்கு இன்ஸ்டாகிராம் பக்கத்தில் அதற்குள் 10 மில்லியன் ரசிகர்கள் இணைந்து விட்டனர். இன்ஸ்டாகிராம் ரசிகர்களுக்காக அடிக்கடி கவர்ச்சிகரமான போட்டோக்களை பதிவிட்டும் வருகிறார்.

பேய் படம்

நெட்பிளிக்ஸில் வெளியான கோஸ்ட் ஸ்டோரீஸ், கன்ஜன் சக்ஸேனா உள்ளிட்ட படங்களில் நடித்த ஜான்வி கபூர் நடிப்பில் சமீபத்தில் வெளியான ரூஹி பேய் படம் பாலிவுட்டில் மீண்டும் ரசிகர்களை திரையரங்குகளுக்கு கொண்டு வந்துள்ளது. சமீபத்தில் அந்த படத்தின் வெற்றியை கொண்டாடும் விதமாக ரசிகர்களுடன் ஒரு சாட் செஷனை நடத்தினார் ஜான்வி கபூர்.

கிஸ் பண்ணலாமா

ரசிகர்களின் ஏகப்பட்ட கேள்விகளுக்கு தனது ஸ்டைலில் வித்தியாசமாகவும், படு ஜாலியாகவும் பதில் அளித்த வந்த ஜான்வி கபூரிடம் நெட்டிசன் ஒருவர், கிஸ் பண்ணலாமா? என்கிற கேள்வியை எழுப்ப, கொஞ்சம் கடுப்பான ஜான்வி கபூர் அவருக்கு வித்தியாசமான முறையில் அளித்த பதில் பலரையும் ஆச்சர்யத்தில் ஆழ்த்தியுள்ளது.

மாஸ்க் போட்டுக் கொண்டு

சட்டென மாஸ்க் மாட்டி இருக்கும் தனது புகைப்படம் ஒன்றை வெளியிட்டு அந்த நெட்டிசனுக்கு நறுக்கென 'நோ' சொல்லிவிட்டார் ஜான்வி கபூர். ஜான்வி கபூரின் இந்த அதிரடியான போஸ்ட்டை பார்த்த பலரும், அந்த இளைஞருக்கு சரியான பதிலடி இது என ஜான்வியை பாராட்டி வருகின்றனர்.

Recommended Video

Thala Ajith in AUTO | Chennaiயில் Autoவில் வலம்வரும் Thala | Valimai

தோஸ்தானா 2

ரூஹி படத்தைத் தொடர்ந்து தோஸ்தானா 2 படத்தில் நடித்து வருகிறார் ஜான்வி கபூர். ஜான் ஆபிரகாம், அபிஷேக் பச்சன் மற்றும் பிரியங்கா சோப்ரா நடித்த தோஸ்த்தானா திரைப்படம் சர்ச்சைகளை கிளப்பி வெற்றி பெற்ற நிலையில், அதன் இரண்டாம் பாகத்தில் நடிகர் கார்த்திக் ஆர்யானுக்கு ஜோடியாக ஜான்வி கபூர் நடித்து வருகிறார். மேலும், குட் லக் ஜெர்ரி படத்தின் படப்பிடிப்பையும் முடித்துள்ளார்.