பீகே ரீமேக்... கமலை இயக்கப் போகிறார் பாபநாசம் இயக்குநர்!

இந்தியில் பெரும் வெற்றிப் பெற்ற பீகே படத்தின் தமிழ் ரீமேக் பற்றி தொடர்ந்து தகவல்கள் வெளியாகி வருகின்றன.

இந்தப் படத்தில் தான் நடிக்கப் போவதாக கமல் இதுவரை ஒரு சின்ன குறிப்பு கூட தரவில்லை. ஆனாலும் அவர்தான் நடிக்கிறார் என ஏகப்பட்ட செய்திகள்.

இப்போது அவரை இயக்கப் போவது யார் என்ற தகவல் கூட வெளியாகிவிட்டது.

கமல் ஹாஸனை வைத்து த்ரிஷ்யம் படத்தின் ரீமேக்கான பாபநாசத்தை இயக்கியுள்ள ஜீத்து ஜோசப்தான், பீகே ரீமேக்கிலும் கமலை இயக்கப் போகிறாராம்.

இதுகுறித்து ஜீத்து ஜோசப் கூறுகையில், "பீகே ரீமேக்கில் கமலை இயக்கும் வாய்ப்பு வந்திருப்பது உண்மைதான். இதுகுறித்துப் பேசி வருகிறோம். விரைவில் விவரங்களைச் சொல்கிறேன்," என்று கூறியுள்ளார்.

பாபநாசம் படத்தின் போஸ்ட் புரொடக்ஷன் பணிகள் வேகமாக நடந்து வருகின்றன.