Don't Miss!
- Finance மக்கள் அதிகம் வாங்குவதாலேயே தங்கம் விலை உயர்கிறதா..? உண்மை என்ன..?!
- Automobiles பெட்ரோல் போடுவதை போல ஹைட்ரஜனை நிரப்பிட்டா 3,000 கிமீ நிற்காம போகும்! உலக சாதனை படைத்த ரயில்!
- News நான் கேட்டது ‘அவள்’.. கடவுள் கொடுத்தது ‘அவல்’.. சரி சாப்டுட்டு வேற வேலையை பார்ப்போம்!
- Sports மும்பை பாணியில் கம்பீர் எடுத்த முடிவு.. 16 வயது சிறுவனை ஒப்பந்தம் செய்த கேகேஆர்.. யாருப்பா அந்த பையன்?
- Lifestyle ஆப்பிள் சீடர் வினிகருடன் இந்த ஒரு பொருளை கலந்து குடிச்சா மாரடைப்பும் வராது.. இதய அடைப்பும் சரியாகும் தெரியுமா?
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
இயக்குநர் ஜீவா ரஷியாவில் மரணம்
சென்னை:தாம் தூம் படத்தின் படப்பிடிப்புக்காக ரஷ்யா சென்றிருந்த பிரபல ஒளிப்பதிவாளரும், இயக்குநருமான ஜீவா அங்கு ஹோட்டல் அறையில் மாரடைப்பால் மரணமடைந்தார்.
தஞ்சை மாவட்டம் திருத்துறைப்பூண்டியைச் சேர்ந்தவர் ஜீவா(44). இவர் மலையாளப் படங்களில் உதவி ஒளிப்பதிவாளராக தனது திரையுலக வாழ்க்கையைத் தொடங்கியவர்.தமிழில் அக்னி நட்சத்திரம், தேவர் மகன், ஜென்டில்மேன் உள்ளிட்ட படங்களில் அவர் உதவி ஒளிப்பதிவாளராக இருந்தார்.
பின்னர் காதலன் படம் மூலம் ஒளிப்பதிவாளரானார். அதன் பின்னர் இயக்குநர் ஷங்கரின் பெரும்பலான படங்களுக்கு ஜீவாதான் கேமராமேனாக இருந்துள்ளார்.
ஒளிப்பதிவில் பல உத்திகளைப் புகுத்தி தமிழ் சினிமாவுக்கு புது கெளரவத்தைத் தேடிக் கொடுத்தவர் ஜீவா. ஒளிப்பதிவாளராக விளங்கி வந்த ஜீவா பின்னர் இயக்குநராக அவதாரம் எடுத்தார். 12பி, உள்ளம் கேட்கமே, சமீபத்தில் வெளியான உன்னாலே உன்னாலே ஆகிய படங்களை இயக்கியுள்ளார்.
தற்போது தாம்தூம் என்ற படத்தை இயக்கி வந்தார். ஜெயம் ரவி உள்ளிட்டோர் நடிக்கும் இப்படத்தின் படப்பிடிப்பு முழுவதும் ரஷ்யாவில் நடந்து வந்தது. இதற்காக படப்பிடிப்புக் குழுவினருடன் ரஷ்யா சென்றிருந்தார் ஜீவா.
செயின்ட் பீட்டர்ஸ்பர்க் நகரில் தங்கியிருந்த அவர் இன்று படப்பிடிப்பு முடிந்து அவர் சென்னை திரும்புவதாக இருந்தார். இந்த நிலையில் நேற்று ஜீவாவுக்கு மாரடைப்பு ஏற்பட்டது. உடனடியாக படப்பிடிப்புக் குழுவினர் அவரை மருத்துவமனைக்குக் கொண்டு சென்றனர். ஆனால் வழியிலேயே ஜீவா பரிதாபமாக இறந்தார்.
ஜீவாவுக்கு மனைவி, 2 மகள்கள் உள்ளனர். ஜீவா இதுவரை 40க்கும் மேற்பட்ட படங்களுக்கு ஒளிப்பதிவாளராக பணியாற்றியுள்ளார். 40 விளம்பரப் படங்களை இயக்கியுள்ளார். இந்தியில் 10 படங்களில் பணியாற்றியுள்ளார். தமிழில் அவர் ஒளிப்பதிவாளராகப் பணியாற்றிய பிரபல படங்களில் காதலன், இந்தியன், ஜென்டில்மேன், வாலி, குஷி ஆகியவை குறிப்பிடத்தக்கவையாகும்.
பிரியதர்ஷன் இயக்கிய பெரும்பாலான படங்களில் ஜீவாதான் கேமராமேனாக இருந்தார். ஜீவாவின் மனைவி அனீஷா, ஜீவாவின் படங்களில் காஸ்ட்யூம் டிசைனராக பணியாற்றியுள்ளார்.
ஜீவாவின் உடல் நாளை சென்னைக்குக் கொண்டு வரப்படுகிறது.ஜீவாவின் மரணத்தால் தமிழ்த் திரையுலகினர் பெரும் அதிர்ச்சியில் மூழ்கியுள்ளனர்.