முகப்பு

செய்திகள்

சென்னை: எஸ்.ஏ.சந்திரசேகர் இயக்கி வரும் டூரிங் டாக்கிஸ் படத்தில் ஒரு பாடலைப் பாடியதன் மூலம் தமிழ் சினிமாவில் பாடகராகவும் அவதாரம் எடுத்துள்ளார் நடிகர் ஜீவா.

நடிகர் விஜய்யும், ஜீவாவும் நல்ல நண்பர்கள். இவர்கள் இருவரும் நண்பன் படத்தில் இணைந்து நடித்திருந்தனர்.

அதனைத் தொடர்ந்து ஜீவாவின் அப்பா ஆர்.பி.சௌத்ரி தயாரிப்பில் ஜில்லா படத்தில் நடித்திருந்தார் விஜய். தற்போது, விஜயின் அப்பா இயக்குநர் எஸ்.ஏ.சந்திரசேகர் இயக்கி வரும் டூரிங் டாக்கிஸ் என்ற படத்தில் பாடல் ஒன்றைப் பாடியுள்ளார் ஜீவா.

முற்றிலும் புதுமுகங்களே நடிக்க தயாராகி வருகிறது டூரிங் டாக்கிஸ் படம். விறுவிறுப்பாக தயாராகி வரும் இப்படத்திற்கு இசை இளையராஜா. இப்படத்தில் ஜீவா பாடல் ஒன்றைப் பாடியிருப்பதன் மூலம், டூரிங் டாக்கிஸ் மீதான எதிர்பார்ப்பு மக்களிடையே அதிகரித்துள்ளது.

ஜீவா பாடிய பாடல் ‘படம் பார்க்க போலாமா' என ஆரம்பிக்கிறதாம். இது படத்தின் அறிமுகப் பாடலாக வருவதாக ஜீவா தனது டுவிட்டர் பக்கத்தில் தெரிவித்துள்ளார்.

ஜீவா நடிப்பில் கடைசியாக வெளிவந்த யான் படம் அவருக்கு எதிர்பார்த்த வெற்றியைத் தேடித் தரவில்லை என்பது குறிப்பிடத்தக்கது. நீண்டநாள் தயாரிப்பில் இருந்த இந்த படத்தை பிரபல ஒளிப்பதிவாளர் ரவி.கே.சந்திரன் இயக்க, ஜீவாவுக்கு ஜோடியாக நடிகை ராதாவின் இளைய மகள் துளசி நாயர் நடித்திருந்தார்.