ஜியோ சாவனில் டாப் 5 தமிழ் இசை கலைஞர்கள்... ராக் ஸ்டார் அனிருத்துக்கு முதலிடம்!

5வது இடம்

நடிகரும் இசையமைப்பாளருமான ஜீ. வி. பிரகாஷ் இந்த லிஸ்டில் 5வது இடத்தை பிடித்துள்ளார். இந்த ஆண்டில் சூரரை போற்று படத்திலும் High and Dry, Crying Out என இரண்டு ஆங்கில பாடல்கள் பாடியும் பெரிய ஹிட் அடித்துள்ளார் ஜீ. வி. பிரகாஷ். ஜியோ சாவனில் இந்த ஆண்டு 41 மில்லியன் ஸ்ட்ரீம்ஸ்களை ஜீ. வி. பிரகாஷ் இசையமைத்த பாடல்கள் கடந்துள்ளது.

4வது இடம்

லிட்டில் மாஸ்டிரோ யுவன் ஷங்கர் ராஜா இந்த லிஸ்டில் நான்காம் இடத்தை பிடித்துள்ளார். இந்த ஆண்டு யுவன் இசையில் பெரிதாக ஏதும் பாடல்கள் வெளி வரவில்லை என்றாலும் அவருடைய இசையில் 2018ல் வெளியான மாரி-2 படத்தில் இடம்பெற்ற ரவுடி பேபி பாடல் இந்த ஆண்டு பல சாதனைகளை படைத்தது. ஜியோ சாவனில் இந்த ஆண்டு 49.4 மில்லியன் ஸ்ட்ரீம்ஸ்களை யுவன் ஷங்கர் ராஜா இசையமைத்த பாடல்கள் கடந்துள்ளது.

இசை புயல் 3வது இடம்

இசை புயல் ஏ. ஆர். ரஹ்மான் இந்த லிஸ்டில் மூன்றாம் இடத்தை பிடித்துள்ளார். ஏ. ஆர். ரஹ்மான் இசையில் இந்த ஆண்டு கோப்ரா படத்தில் இடம்பெற்ற தும்பி துள்ளல் பாடல், Dil Bechara படத்தின் பாடல்கள் பெரிய வரவேற்பை பெற்றது. ஜியோ சாவனில் இந்த ஆண்டு 77.6 மில்லியன் ஸ்ட்ரீம்ஸ்களை ஏ. ஆர். ரஹ்மான் இசையமைத்த பாடல்கள் கடந்துள்ளது.

2-வது இடம்

பிரபல பாடகரான சித் ஸ்ரீராம் இந்த லிஸ்டில் இரண்டாம் இடத்தை பிடித்துள்ளார். இந்த ஆண்டு தமிழில் வெளியான வானம் கொட்டட்டும் படத்திற்கு இசை அமைத்தும், தமிழில் பல பாடல்களையும் பாடியும், வழக்கம் போல பெரிய வரவேற்பை பெற்றார் சித் ஸ்ரீராம். இந்த ஆண்டு 78.1 மில்லியன் ஸ்ட்ரீம்ஸ்களை சித் ஸ்ரீராம் பாடிய/ இசையமைத்த பாடல்கள் கடந்துள்ளது.

ராக் ஸ்டார் முதலிடம்

ராக் ஸ்டார் அனிருத் இந்த லிஸ்டில் முதல் இடத்தை பிடித்துள்ளார். இந்த ஆண்டு பெரிய நடிகர்களின் படத்திற்கு இசையமைத்து பெரிய ஹிட் கொடுத்து உச்ச கட்ட ஃபார்மில் உள்ளார் அனிருத். இதை தொடர்ந்து கைவசம் 2 பெரிய படங்களுக்கு இசையமைக்க உள்ளார் அனிருத். இந்த ஆண்டு 124.9 ல் மில்லியன் ஸ்ட்ரீம்ஸ்களை அனிருத் இசையமைத்த பாடல்கள் கடந்துள்ளது.