மீண்டும் பிக் பாஸ் வீட்டில் ஜூலி, குண்டு ஆர்த்தி: கொலவெறியில் ஓவியா ஆர்மி

மேக்கப் பைத்தியம் ரைசாவை பிக் பாஸ் வீட்டில் இருந்து வெளியேற்றிவிட்டார்கள். பிக் பாஸ் டைட்டிலை கணேஷ் வெங்கட்ராம் ஜெயிக்க வாய்ப்பு அதிகம் என்று கமலிடம் தெரிவித்தார் ரைசா.

நான் ஒரு மாடல். மாடலிங் உலகில் எவ்வளவு பெரிய மாடலாக இருந்தாலும் பெயரை சொல்ல மாட்டார்கள். அந்த மாடலை கூப்பிடு என்பார்கள். தற்போது பிக் பாஸ் மூலம் என் பெயர் அனைவருக்கும் தெரிந்ததில் மகிழ்ச்சி என்று ரைசா தெரிவித்தார்.

பிக் பாஸ் வீட்டில் இருந்து வெளியே சென்ற பிறகு மொட்டையடித்து அந்த முடியை புற்றுநோயாளிகளுக்கு விக் செய்ய அளித்ததாக தெரிவித்தார் ஆர்த்தி. அதை கமல் உள்பட பார்வையாளர்கள் அனைவரும் பாராட்டினார்கள்.

ரைசா வெளியேற்றப்பட்டுள்ள நிலையில் ஜூலியும், ஆர்த்தியும் மீண்டும் பிக் பாஸ் வீட்டில் இருப்பது போன்ற ப்ரொமோ வீடியோ இன்று வெளியிடப்பட்டுள்ளது.

ஓவியாவை எதிர்பார்த்தால் ஜூலி பிக் பாஸ் வீட்டிற்கு வந்திருக்கிறார். முதலில் அவரை வீட்டை விட்டு வெளியே அனுப்புங்கள் என்று ஓவியா ஆர்மிக்காரர்கள் தெரிவித்து வருகிறார்கள்.