'காலா' டீசர் ரிலீஸ், ஆடியோ லாஞ்ச் எப்போ? கசியும் தகவல்கள்!

காலா

கபாலியைத் தொடர்ந்து பா.ரஞ்சித் இயக்கத்தில் ரஜினி நடித்துள்ள படம் 'காலா'. மும்பை தாராவி பகுதியில் வாழும் தமிழர்களின் காட் ஃபாதராக இந்தப் படத்தில் நடித்துள்ளார் ரஜினி. சந்தோஷ் நாராயணன் இப்படத்திற்கு இசையமைத்துள்ளார்.

நட்சத்திரப் பட்டாளம்

தனுஷ் தயாரிக்க, லைகா நிறுவனம் வெளியிடும் இந்தப் படத்தில், நானா படேகர், சமுத்திரக்கனி, சம்பத், சாயாஜி ஷிண்டே, அருள்தாஸ், 'வத்திகுச்சி' திலீபன், ரமேஷ் திலக், மணிகண்டன், ஹுமா குரேஷி, அஞ்சலி பட்டேல், ஈஸ்வரிராவ், அருந்ததி, சாக்ஷி அகர்வால் மற்றும் பலர் நடித்துள்ளனர்.

2.ஓ ரிலீஸுக்கு பதிலாக

இந்தப் படத்தின் படப்பிடிப்பு கடந்த ஆண்டே முடிந்து விட்டபோதும், '2.O' படத்திற்காக காலா படத்தின் ரிலீஸை தள்ளி வைத்தனர். அதனால் காலா டீசர் வெளியீட்டையும் தள்ளி வைத்திருந்தனர். தற்போது '2.O' தள்ளிப் போனதால், அந்தப் படம் வெளியாகயிருந்த ஏப்ரல் 27--ம் தேதி 'காலா' திரைக்கு வருகிறது.

காலா டீசர்

'காலா' படத்தின் டீசர் ரிலீஸ் தேதி மற்றும் பாடல்கள் வெளியீட்டு தேதி விரைவில் அறிவிக்கப்படும் என்று கூறப்படுகிறது. மார்ச் 10-ம் தேதி டீசர் வெளியீடும், மார்ச் மாத இறுதியில் ஆடியோ ரிலீஸும் செய்யத் திட்டமிட்டுள்ளனராம். வெகு விரைவில் இதுகுறித்த அதிகாரப்பூர்வ தகவல் வெளியாக உள்ளது.