தமிழ், தெலுங்கு, இந்தி, மலாயில் ஒரே நேரத்தில் வெளியாகும் கபாலி!

சென்சார்

கபாலி படத்தின் தமிழ் பதிப்புக்கான அனைத்துப் பணிகளும் முடிவடைந்துள்ளன. எனவே அடுத்த வாரம் படத்தை தணிக்கைக்கு அனுப்பி வைக்க திட்டமிட்டுள்ளனர். தொடர்ந்து தெலுங்கு, இந்தி, மலாய் மொழிகளில் கபாலி படம் தணிக்கை செய்யப்படுகிறது.

ஜூலை 15

அடுத்த மாதம் (ஜூலை) 1-ந் தேதி கபாலி படம் திரைக்கு வரும் என்று எதிர்பார்க்கப்பட்டது. ஆனால் ரம்ஜான் காரணமாக இரண்டு வாரம் தள்ளிப்போகிறது. அநேகமாக ஜூலை 15-ம் தேதி வெளியாகும் என்கிறார்கள்.

சென்னை திரும்பும் ரஜினி

ரஜினிகாந்த் அமெரிக்காவில் இருந்து இந்த மாதம் இறுதியில் சென்னை திரும்ப இருப்பதாகவும் அவர் வந்த பிறகு கபாலி வெளியாகும் தேதி அதிகாரப்பூர்வமாக அறிவிக்கப்படும் என்றும் இன்னொரு தரப்பில் கூறுகிறார்கள்.

2 மாதங்கள் கழித்து...

தமிழ், தெலுங்கு, இந்தி, மலாயில் வெளியாகும் கபாலி, இரு மாதங்களுக்குப் பிறகு சீனா, ஜப்பான் மற்றும் தாய்லாந்து மொழிகளில் டப் செய்யப்பட்டு வெளியாகும் என தயாரிப்பாளர் தாணு கூறியுள்ளார்.