22 மணி நேரத்தில் 5 மில்லியன் பார்வைகள்... புதிய சாதனைப் படைத்தது கபாலி!

ஒரு மணி நேரத்தில்

பெரிய பட்ஜெட் படங்களின் டீசர் அல்லது ட்ரைலர் வெளியாகி 24 மணி நேரத்தில் ஒரு மில்லியன் பார்வைகளைப் பெறுவதே கடினம் என்ற இன்றைய சூழலில், ரஜினியின் கபாலி டீசர் வெளியான பத்து நிமிடத்தில் 1 லட்சம் பார்வைகளையும், ஒரு மணி நேரத்தில் ஒரு மில்லியன் பார்வைகளையும் பெற்றது.

தாணு

ஞாயிற்றுக்கிழமை இரவு 11 மணி அளவில் கபாலி 4 மில்லியன் பார்வைகள் மற்றும் 2 லட்சம் விருப்பங்களைப் பெற்று மிகப் பெரிய சாதனைப் படைத்திருப்பதாக தயாரிப்பாளர் கலைப்புலி தாணு தெரிவித்தார்.

5 மில்லியன்

இதற்கிடையில் 22 மணி நேரத்துக்குள் இந்த டீசர் 5 மில்லியன் பார்வைகளையும், 2.26 லட்சம் விருப்பங்களையும் பெற்று புதிய சாதனைப் படைத்துள்ளது.

சாதனை

"இந்திய சினிமா என்றல்ல.. சர்வதேச அளவிலும் கூட இந்த எண்ணிக்கை அசாதாரணமானது. மிகப் பெரிய சர்வர், வசதிகளைக் கொண்ட யுட்யூப் இணைய தளமே ஸ்தம்பித்து, 2 மணி நேரத்துக்கு ஒரு முறை பார்வை எண்ணிக்கையை அப்டேட் செய்யும் அளவுக்கு கபாலி டீசர் வரவேற்பு பெற்றுள்ளது," என்கிறார் தயாரிப்பாளர் தாணு.

ரஜினியால் மட்டுமே முடியும்

தனது ட்விட்டர் பக்கத்தில் தாணு மேலும் கூறியிருப்பதாவது: "சாதனைகள் உடைப்பதற்காகத்தான். அதை தனது ஸ்டைலில் செய்து காட்டியிருக்கிறார் டஒன் அன்ட் ஒன்லிட தலைவர். 22 மணி நேரத்தில் 5 மில்லியன்கள்!" என்று குறிப்பிட்டுள்ள தாணு, ரசிகர்களுக்கும் நன்றியைத் தெரிவித்துள்ளார்.