வயிற்று வலியால் அவதி... நடிகர் கலாபவன் மணி மருத்துவமனையில் அனுமதி

திருவனந்தபுரம் : உடல்நலக் குறைபாடு காரணமாக நடிகர் கலாபவன் மணி மருத்துவமனையில் அனுமதிக்கப் பட்டுள்ளார்.

பிரபல மலையாள நடிகர் கலாபவன் மணி. இவர் தமிழில் ஜெமினி, அந்நியன் உள்பட பல்வேறு படங்களில் நடித்துள்ளார். தற்போது கமலுடன் இணைந்து பாபநாசம் படத்தில் நடித்துள்ளார்.

கடந்த 6ம் தேதி கலாபவன் மணிக்கு திடீரென வயிற்று வலி ஏற்பட்டது. அதனைத் தொடர்ந்து மருத்துவ பரிசோதனைக்காக அவர் எர்ணாகுளத்தில் உள்ள அமிர்தா மருத்துவமனையில் சேர்க்கப் பட்டார்.

அங்கு அவரை பரிசோதித்த டாக்டர்கள் சில நாட்கள் மருத்துவமனையில் தங்கி சிகிச்சை பெறவேண்டும் என அறிவுறுத்தினர். இதையடுத்து கடந்த 4 நாட்களாக கலாபவன் மணி மருத்துவமனையில் சிகிச்சை பெற்றுவருகிறார்.

தற்போது அவரது உடல்நிலை நல்ல நிலையில் இருப்பதாக டாக்டர்கள் தெரிவித்துள்ளனர்.