கார்த்திக் நரேன் படத்தில் இரண்டு பெரிய நடிகர்களின் மகன்கள்... விரைவில் அறிவிப்பு!

கார்த்திக் நரேன்

'துருவங்கள் பதினாறு' படத்தின் மூலம் அனைவரையும் வியக்க வைத்த இளம் இயக்குநர் கார்த்திக் நரேன் தற்போது 'நரகாசூரன்' என்ற படத்தை இயக்கி உள்ளார். அரவிந்த்சாமி, ஸ்ரேயா, சந்தீப் கிஷன், ஆத்மிகா ஆகியோர் இப்படத்தில் நடித்துள்ளனர்.

நரகாசூரன்

'நரகாசூரன்' படத்தின் இறுதிக்கட்ட தொழில் நுட்பப் பணிகள் முடிவடையும் நிலையில் உள்ளன. இந்தப் படத்தை கௌதம் மேனன் தயாரித்து வருகிறார். இப்படம் ரிலீஸாகும் முன்னரே கார்த்திக்கின் அடுத்தப்படம் பற்றிய அறிவிப்பு வெளியாகி உள்ளது.

நாடக மேடை

கார்த்திக் நரேன் இயக்கும் புதிய படத்திற்கு 'நாடக மேடை' என டைட்டில் வைத்துள்ளனர். நைட் நாஸ்டால்ஜியா ஃபிலிமோடெய்ன்மென்ட் பட நிறுவனம் சார்பில் இயக்குநர் கார்த்திக் நரேன் இப்படத்தைத் தயாரிக்கவும் செய்கிறார்.

நடிகர்கள்

கார்த்திக் நரேன் இயக்கவுள்ள 'நாடக மேடை' படத்தில் நடிகர்கள் கௌதம் கார்த்திக், காளிதாஸ் ஜெயராம் மற்றும் ரகுமான் ஆகியோர் நடிக்கின்றனர். தமிழ் சினிமாவின் முன்னணி நடிகர்களின் மகன்கள் இருவர் நடிப்பதால் இப்படத்திற்கும் எதிர்பார்ப்பு அதிகரித்துள்ளது.

ரகுமான்

மேலும் 'துருவங்கள் பதினாறு' படத்தில் நாயகனாக நடித்த ரகுமான் இந்தப் படத்தில் ஒரு முக்கிய கதாபாத்திரத்தில் தோன்றவிருப்பதாகவும் கூறப்படுகிறது. இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.