வீடு ரெடி.. வீரர்களும் ரெடி.. வேட்டைக்கு நீங்க ரெடியா..? பிக் பாஸ் 6 வீட்டை சுற்றி காட்டிய கமல்!

இந்தியன் 2 கெட்டப்

விக்ரம் படத்தைத் தொடர்ந்து இந்த கெட்டப்பில் தான் இந்தியன் 2 படத்தில் கமல் நடித்து வருகிறார் என்பது பிக் பாஸ் நிகழ்ச்சிக்கு அவர் வந்திருப்பதை பார்த்தாலே தெரிந்து கொள்ள முடிகிறது. வார வாரம் கமல் தொகுத்து வழங்கும் பிக்பாஸ் நிகழ்ச்சியை கண்டு ரசிக்கவே பெருங்கூட்டம் கூடும் என்பது குறிப்பிடத்தக்கது.

பிக் பாஸ் வீடு

மீடியாவுக்கு பிக் பாஸ் வீட்டை பார்க்க அனுமதி கொடுத்த நிலையிலேயே பிக் பாஸ் வீட்டில் நீச்சல் குளம், ஜெயில் எல்லாம் இந்த சீசனில் எப்படி இருக்கப் போகுதுன்னு தெரிய வந்திருந்தது. இந்நிலையில், கமல்ஹாசன் பிக் பாஸ் வீட்டை சுற்றிக் காட்டும் அதிகாரப்பூர்வ புரமோவிலும் அவை அப்படியே இருப்பது ரசிகர்களை மகிழ்ச்சி வெள்ளத்தில் ஆழ்த்தி உள்ளது.

நீச்சல் குளத்தில் மேட்ரஸ்

பிக் பாஸ் சீசன் 2வுக்கு பிறகு நீச்சல் குளத்தை பயன்படுத்த முடியாமல், அந்த கிணத்தை இழுத்துப் பூட்டுங்கடா என படையப்பா படத்தில் ஆர்டர் போடுவது போல போட்ட நிலையில், லாஸ்லியா, ரம்யா பாண்டியன், ஷிவானி, பாவனியின், கவர்ச்சி குளியலை எல்லாம் ரசிகர்கள் ரொம்பவே மிஸ் செய்தனர். ஆனால், இந்த முறை நீச்சல் குளத்துடன் அதில் மேட்ரஸும் போடப்பட்டுள்ள நிலையில், கவர்ச்சிக்கும் பஞ்சம் இருக்காது என நம்பலாம்.

மேஜிக் பண்ணும் கமல்

போன சீசன் போல பார்க்கும் இடங்களில் எல்லாம் 6ம் நம்பர் இல்லாமல் இருப்பதே பெரிய ஆறுதல். இந்நிலையில், கமல் ஹாசன் மேஜிக் எல்லாம் செய்து 6ம் நம்பரை காட்டுவது புரமோவில் செம ஹைலைட்டாக உள்ளது. பிக் பாஸ் பக்கத்தில் பெரிதாக 6 வரும் என பார்த்தால் டோரில் உள்ள செட் தான் அந்த 6 என்பது புரியவே ரசிகர்களுக்கு நேரம் எடுத்து விடும் போல இருக்கு.

வேட்டைக்கு ரெடியா

வீடு ரெடி.. வீரர்களும் ரெடி.. வேட்டைக்கு நீங்க ரெடியா என கமல் கேட்டதுமே, ஷோவை மட்டும் ஸ்டார்ட் பண்ணுங்க எப்படி ட்ரோல் பண்ணி, பட்டப் பெயர் வைத்து ஒவ்வொரு போட்டியாளர்களின் இமேஜையும் டேமேஜ் பண்ணி வேட்டையாடுறோம் பாருங்க என புரமோவுக்கு கீழ் பிக் பாஸ் ஆர்மியினர் புறப்பட்டு விட்டனர்.