அம்பேத்கர் கடிதம் என் கண்களை கலங்கடித்தது.. கண்ணீர் விட்ட கமல்.. என்ன பண்ணாரு தெரியுமா?

அம்பேத்கருக்கு கடிதம்

இந்த வாரம் பிக் பாஸ் போட்டியாளர்கள் எல்லாம் அவர்கள் சொந்தங்களுக்கு கடிதம் எழுதி படித்த நிலையில், விக்ரமன் அம்பேத்கருக்கு கடிதம் எழுதியிருந்தார். அம்பேத்கர் லண்டனில் பட்ட கஷ்டங்களை குறிப்பிட்டு இருந்த விக்ரமன் அவரை போல தன்னால் ஆக முடியாது என்று தெரியவில்லை ஆனால், கொஞ்சமாச்சும் மாற முயற்சிப்பேன் என எழுதியது ரசிகர்களை உணர்ச்சிவசப்பட வைத்தது.

கிளம்பிய சர்ச்சை

விக்ரமன் கடிதம் எழுதும் போது அவர் அம்பேத்கருக்கு கடிதம் எழுதுகிறார் என்பது கேமராவில் பதிவான உடன் அதன் பின்னர் அந்த கடிதம் பற்றிய காட்சிகளை 24 மணி நேர எபிசோடில் காட்டவில்லை என ரசிகர்கள் பெரிய சர்ச்சையை கிளப்பினர். அதன் பின்னர் ஒரு மணி நேர எபிசோடில் அந்த கடிதம் இடம்பெற்றிருந்தது.

கலங்கிய கமல்

ஒவ்வொரு போட்டியாளர்களாக அவர்கள் எழுதிய கடிதம் பற்றி பேசி முடித்த நிலையில், கடைசியாக விக்ரமன் தான் அம்பேத்கருக்கு எழுதிய கடிதம் பற்றி பேசினார். அதை கேட்ட கமல் அந்த கடிதத்தை நீங்க வாசிக்க கேட்டதும் நான் கலங்கிட்டேன் என்றும் பெரிய தகப்பன் அம்பேத்கர் என்றும் பேசி பிக் பாஸ் மேடையிலே கண்கள் கலங்கிய நிலையில் கமல் பேசியது பலரையும் நெகிழ்ச்சியில் ஆழ்த்தியது.

காந்திக்கு கடிதம்

அம்பேத்கர் பற்றிய பல விஷயங்களை எடுத்து சொன்ன கமல் அதன் பின்னர் நானும் ஒருத்தருக்கு இதுபோல கடிதம் எழுதினேன் என மோகன் என்பவருக்கு எழுதிய கடிதத்தை படித்துக் காட்டிய கமல் கடைசியில் அந்த மோகன் தான் மோகன் தாஸ் கரம்சந்த் காந்தி என்றதும் ஒட்டுமொத்த போட்டியாளர்களும் கைதட்டினர். இந்த கடிதத்தின் விளைவு தான் ஹேராம் படம் எடுக்கவே தன்னை உந்தியதாகவும் கமல் பேசினார்.