Don't Miss!
- News தமிழ்நாட்டின் 26 வருட கனவு.. நிஜமாகும் அதிசயம்.. சென்னை டூ குமரி.. ரயில் பயண நேரம் அடியோடு மாறுது!
- Lifestyle வெளிநாட்டினர் ஏன் பால் சேர்க்கப்பட்ட காபிக்கு பதிலாக எப்போதும் ப்ளாக் காபி மட்டும் குடிக்கிறார்கள் தெரியுமா?
- Finance கிரெடிட் கார்டு வச்சு இருக்கீங்களா? அப்போ முதல்ல இதை படிங்க.. ரொம்ப முக்கியம்!
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Sports இன்னும் 6 போட்டிகள் இருக்கு.. என்ன வேண்டுமானாலும் நடக்கலாம்.. பிளே ஆஃப் பற்றி ஆர்சிபி வீரர் ஜாக்ஸ்!
- Automobiles துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
நான் சொன்னா செய்வேன்.. 'பன்ச்'சுடன் வெளியானது கமலின் தூங்காவனம் டிரெய்லர்
சென்னை: நடிகர் கமல்ஹாசனின் தூங்காவனம் பட டிரெய்லர் சற்று முன்பு வெளியானது. ஏற்கனவே அறிவித்திருந்தபடி படத்தின் டிரெய்லரை சரியாக 4.21 மணியளவில் படக்குழுவினர் வெளியிட்டனர்.
தற்போது தூங்காவனம் படத்தின் டிரெய்லர் ரசிகர்கள் மத்தியில் மிகுந்த வரவேற்பைப் பெற்று வருகிறது. டிரெய்லர் தாங்கள் எதிர்பார்த்ததைவிட மிகவும் நன்றாக இருப்பதாக ரசிகர்கள் பலரும் கருத்துத் தெரிவித்துள்ளனர்.
மேலும் தற்போது ட்விட்டரில் ட்ரெண்டாகிக் கொண்டிருக்கிறது #thoongavanam படத்தின் ஹெஷ்டேக். டிரெய்லர் எப்படி இருக்கிறது என்பதை கீழே பார்க்கலாம்.
கமல்ஹாசன்
வெளிர் நிறங்களில் கோட் சூட் அணிந்து டிரெய்லர் முழுவதும் அதகளப்படுத்தி இருக்கிறார் கமல். மிகவும் அமைதியான முகத்துடன் வரும் கமலின் நடிப்பு இயல்பாக இருக்கிறது. டிரெய்லர் முழுவதும் மிகவும் ஸ்டைலிஷாக மிளிர்கிறார் கமல்.
ஆக்க்ஷன் காட்சிகள்
படம் முழுவதும் ஆக்க்ஷன் காட்சிகள் அதிகமாக இருக்கும் என்பது டிரெய்லரிலேயே தெரிகிறது. குறிப்பாக கிஷோர் மற்றும் பிரகாஷ் ராஜ் இருவருடன் கமல் மோதுவது போன்று காட்சிகள் அமைக்கப்பட்டு இருக்கின்றன.
10 வயது மகன்
படத்தில் 10 வயது மகனுக்கு தந்தையாக கமல் நடித்திருக்கிறார். ஒரு காட்சியில் எனது மகனுக்கு ஏதாவது ஒன்று என்றால் நான் உங்களைத் தொலைத்து விடுவேன் என்று கூறுகிறார்.
நான் சொன்னா செய்வேன்
மேலும் படத்தில் கமல் பேசும் ஒரு வசனம் தற்போது ரசிகர்கள் மத்தியில் மிகுந்த புகழ்பெற்று வருகிறது. அந்த வசனம் இதுதான் " நான் சொன்னா செய்வேன்".
த்ரிஷா
த்ரிஷா இந்தப் படத்தில் கமலை காதலிப்பவரகவும், அவரின் மீதுள்ள காதலை வெளிப்படுத்த முடியாதவராகவும் இயல்பாக நடித்திருக்கிறார். கமலைப் பற்றி அவர் அறிந்து கொள்ளும் இடங்களில் த்ரிஷாவின் கண்கள் வெளிப்படுத்துகின்றன துயரத்தை.
நட்சத்திரப் பட்டாளம்
பெரும்பாலும் ஹோட்டல்கள் மற்றும் பார்களில் வருவது போன்று டிரெய்லரின் காட்சிகள் உள்ளன. சம்பத், பிரகாஷ்ராஜ், கிஷோர், ஆஷா சரத் என்று அனைவருமே டிரெய்லரில் தலை காட்டியிருக்கின்றனர்.
ஜிப்ரானின் இசை
டிரெய்லர் முழுவதும் இசையில் மிரட்டியிருக்கிறார் இசையமைப்பாளர் ஜிப்ரான். பின்னணி இசை மற்றும் காட்சிகளில் ஜிப்ரானின் உழைப்பு தனித்துத் தெரிகின்றது.
கமலுக்கு சமமாக
படத்தில் கமலுக்கு சமமாக வருவது போன்று பிரகாஷ் ராஜின் காட்சிகள் அமைக்கப்பட்டிருக்கின்றன. கடைசியில் ஒரு கார் விபத்துக்குள்ளாவது போன்று டிரெய்லர் முடிவடைகின்றது.
மொத்தத்தில் தூங்காவனம் டிரெய்லர் - கமல் ரசிகர்களுக்கு உண்மையான விநாயகர் சதுர்த்தி விருந்தாக மாறியுள்ளது.