இப்படி அசிங்கப்படுத்தாதீங்க பிக் பாஸ்.. கடுப்பான கமல்.. திடீரென நிகழ்ச்சியில் இப்படியொரு ட்விஸ்ட்!

தியாகம் பண்ணனும்

பிக் பாஸ் சீசன் 6ல் இருந்து வெளியேறிய போட்டியாளர்கள் மீண்டும் வீட்டுக்குள் வந்த நிலையில், உள்ளே இருக்கும் இறுதி போட்டியாளர்களுக்கு sacrifice Task கொடுத்தனர். பிக் பாஸ் டாஸ்க்கை செய்த போட்டியாளர்கள் மீண்டும் வந்த முன்னாள் போட்டியாளர்கள் கொடுத்த டாஸ்க்கையும் சிலர் வேண்டா வெறுப்புடன் செய்தனர். அசீம் உள்ளிட்டோர் செய்ய மறுத்தனர்.

பார்க்கவே கோராமையா இருந்துச்சு

அமுதாவாணன், ஏடிகேவின் அழகிய தலை முடி ரொம்பவே கொடூரமாக வெட்டப்பட்டும், முக்கால் வாசி மொட்டை அடிக்கப்பட்ட நிலையிலும் பார்க்கவே கோராமையாக இருந்தது. விக்ரமன் பாதி மீசையுடன் திரிந்தது எல்லாம் ரசிகர்களை ரொம்பவே அப்செட் ஆக்கியது. லுங்கி அணிந்த அசீம் சுடிதார் அணிய சொன்னதும் முடியாது என சொல்லி விட்டார். ஷிவினுக்கு டார்க் மேக்கப் போட்டு விட்டும், மைனாவின் கூந்தலை ஷார்ட் பண்ணியும் டாஸ்க் என்கிற பெயரில் தண்டனை கொடுக்கப்பட்டன.

கமலுக்கு பிடிக்கவில்லை

பிக் பாஸ் மூலமாக கொடுக்கப்பட்ட இந்த டாஸ்க் போட்டியாளர்களை அசிங்கப்படுத்தும் விதமாக உள்ளது. விருப்பப்பட்டு செய்வது தான் தியாகம் என்றும் திணிக்கப்படக் கூடாது என சொல்லி விட்டு போட்டியாளர்கள் என்ன நினைக்கிறாங்க என கேட்க அசீம், ஷிவின், விக்ரமன், அமுதவாணன், ஏடிகே, மைனா எல்லாம் தங்கள் கருத்துக்களை பகிர்ந்து கொண்டனர்.

பிக் பாஸ் வேற நான் வேற

இது பற்றி பேசுவதற்கு எனக்கு உரிமை இருக்குன்னு நினைக்கிறேன். அதனால பேசுறேன் என்றும் நான் பிக் பாஸ் கிடையாது. பிக் பாஸ் வேற நான் வேற என அழுத்தம் திருத்தமாக போட்டியாளர்களை அசிங்கப்படுத்தியதற்கு எதிராக விளாசி எடுத்து விட்டார் கமல்.

நாயகர்களாக வாங்க

வந்த உடனே போட்டியாளர்கள் பரிதாபமாக உட்கார்ந்து இருந்ததை பார்த்து கடுப்பான கமல் நாயகர்களாக வாங்க என தனது படத்தின் டைட்டிலையே போட்டியாளர்களுக்கு கொடுத்து ரெடியாகி வர சொன்னதும் போட்டியாளர்கள் செம ஹாப்பி ஆகி விட்டனர். அவர்கள் ரெடியாகி வந்து அமர்ந்த பின்னர் தான் கமலின் கோபமே தணிந்தது.