கலை இருக்கும் வரை நீங்க இருப்பீங்க.. கலாதபஸ்வி கே. விஸ்வநாத்துக்கு கமல்ஹாசன் புகழஞ்சலி!

கமலின் சலங்கை ஒலி

1983ம் ஆண்டு ஜூன் 3ம் தேதி இயக்குநர் கே. விஸ்வநாத் இயக்கத்தில் தெலுங்கில் சாகர சங்கமம் என்றும் தமிழில் சலங்கை ஒலி என்றும் வெளியான திரைப்படம் மிகப்பெரிய வெற்றியை பெற்றது. கமல்ஹாசன், ஜெயப்பிரதா, ஷைலஜா, சரத்பாபு உள்ளிட்ட பலர் இந்த படத்தில் நடித்துள்ளனர். சலங்கை ஒலி படத்துக்காக இளையராஜா இசையமைத்த அத்தனை பாடல்களும் மிகப்பெரிய அளவில் ஹிட் அடித்தன

கமலின் குரு

கே. பாலசந்தரை தொடர்ந்து சினிமாவில் கமல்ஹாசன் இன்னொரு குருவாகவே கே. விஸ்வநாத்தை கருதினார். சமீபத்தில் கூட அவர் உடல்நலக் குறைவு அடைந்ததாக தகவல் தெரிந்ததுமே அவரை தேடிப் போய் பார்த்த புகைப்படங்கள் எல்லாம் வெளியாகின. கே. விஸ்வநாத்தின் இயக்கத்திற்கு மிகப்பெரிய ரசிகர் கமல் என்பது குறிப்பிடத்தக்கது.

கலாதபஸ்வி கே. விஸ்வநாத் காரு

கலைக்காக பல ஆண்டுகள் வாழ்ந்து மறைந்துள்ள இயக்குநர் கே. விஸ்வநாத் மறைவு செய்தி அறிந்த நிலையில், தனது கைப்பட ஆங்கிலத்தில் எழுதிய கடிதத்தை ட்விட்டர் பக்கத்தில் வெளியிட்டு புகழஞ்சலி செலுத்தி உள்ளார் கமல்ஹாச்ன. "கலாதபஸ்வி கே. விஸ்வநாத் காரு கலையின் அழியாத்தன்மை குறித்து ஆதியும் அந்தமும் அறிந்தவர். அவரது கலை அவரது மறைவை தாண்டியும் பல நூறு ஆண்டுகள் கொண்டாடப்படும். அவரது கலையின் உன்னதமான ரசிகன் நான் - கமல்ஹாசன்" என அந்த கடிதத்தில் குறிப்பிட்டுள்ளார் கமல்.

கமல் ரசிகர்கள் இரங்கல்

சமீபத்தில் கே. விஸ்வநாத்தை சந்தித்து கமல் எடுத்துக் கொண்ட புகைப்படங்களை பதிவிட்டு கமல்ஹாசனின் ரசிகர்களும் தலை சிறந்த இயக்குநரான கே. விஸ்வநாத்தின் மறைவுக்கு ஆழ்ந்த இரங்கல்களை தெரிவித்து வருகின்றனர்.