Don't Miss!
- News 88 தொகுதிகள்.. இன்று 13 மாநிலத்தில் 2ம் கட்ட லோக்சபா தேர்தல்.. கேரளா, கர்நாடகாவிலும் ஓட்டுப்பதிவு
- Technology இனி Signal Weak சிக்கலே இருக்காது.. மொபைல் Settings-ல இதை பண்ணா போதும்.. இன்டர்நெட் ஸ்பீட் சும்மா பிச்சிக்கும்
- Finance வேலைக்கு சேர்ந்த 6 மாசத்திலேயே ரிசைன்.. அனல் பறக்கும் விவாதம்..!
- Automobiles சாதா கிளாஸ் டிக்கெட்டை வாங்கிட்டு முதல் வகுப்பில் பயணிக்கனுமா!! விமான பணி பெண் சொல்லும் மூன்று ரகசிய வழிகள்!
- Lifestyle Today Rasi Palan 26 April 2024: இன்று இந்த ராசிக்காரர்கள் வேலை மாற்றத்தைப் பற்றி யோசிக்காமல் இருப்பது நல்லது..
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
'ஆமா.. சபாஷ் நாயுடுவை நான்தான் முழுசா இயக்கப் போறேன்!'- கமல் ஹாஸன்
சபாஷ் நாயுடு படத்தை இயக்கும் பொறுப்பை கமல் கையிலெடுத்துக் கொண்டார் என்று நேற்று நாம் செய்தி வெளியிட்டிருந்தோம். இன்று அதை உறுதிப் படுத்தி கமல் ஹாஸனே ஒரு விளக்கம் வெளியிட்டுள்ளார்.
அதில் அவர், "என்னுடைய இயக்குநருக்கு கடுமையாக உடல் நலம் பாதிக்கப்பட்டுள்ளது. லாஸ் ஏஞ்சல்ஸ் வந்த நான்காவது நாளில் இந்த மோசமான நிலை ஏற்பட்டுவிட்டது. லைம் நோய் பாதித்திருப்பதாக மருத்துவர்கள் கூறிவிட்டனர். இது மிக அரிதான நோய். அமெரிக்க, ஐரோப்பிய நாடுகளில்தான் வருகிறது. எனவே இப்போது நானே படத்தை முழுதாக இயக்குகிறேன்.
முதலில் ஒரு தற்காலிக இயக்குநராகத்தான் பாடல் காட்சியை இயக்கினேன். என் நண்பர் சீக்கிரம் குணமடைந்து வந்துவிடுவார் என்ற நம்பிக்கையில். இப்போதும் அந்த நம்பிக்கை உள்ளது. ஆனால் சற்று தாமதமாவதால், இங்கு வேறு சில பிரச்சினைகளை எதிர்கொள்ள வேண்டி இருக்கும். அதைத் தவிர்க்கவே படத்தை இயக்கும் பொறுப்பையும் ஏற்கிறேன்.
ராஜீவ் குமாருக்கு சிறப்பான சிகிச்சைக்கு லாஸ் ஏஞ்சல்ஸில் ஏற்பாடு செய்துள்ளோம். 24 மணி நேரமும் அவர் உடல் நிலையைக் கவனித்துக் கொண்டிருக்கிறோம். சீக்கிரம் நலமடைந்து வந்துவிடுவார்.
ராஜீவுக்கும் எனக்கும் நீண்ட கால நட்பு. இயக்குநராக 25 ஆண்டுகளுக்கு முன் என்னுடன்தான் பயணத்தைத் தொடங்கினார். இதுவரை 25 படங்களை இயக்கியுள்ளார். மேலும் 25 படங்களை இயக்குவார் என்ற நம்பிக்கை இருக்கிறது," என்று கூறியுள்ளார் கமல் ஹாஸன்.
ஒரு இயக்குநராக கமல் ஹாஸனுக்கு இது 5 வது படம். இதற்கு முன் சாக்ஷி 420, ஹே ராம், விருமாண்டி, விஸ்வரூபம் ஆகிய படங்களை கமல் ஹாஸன் இயக்கியுள்ளார்.