கமலின் புதுப் படம் தூங்கா வனம்... நாயகிகள் த்ரிஷா, மனீஷா, அனைகா!

ஆக்ஷன் த்ரில்லர்

தனது உதவியாளர் ராஜேஷ் இயக்கத்தில் நடிக்க இருக்கிறார். இப்படம் விஸ்வரூபம் பாணியில் ஆக்‌ஷன் த்ரில்லாராக உருவாக இருக்கிறது என நெருங்கிய வட்டாரங்கள் தெரிவித்துள்ளன.

மாறியது தலைப்பு

இந்த படத்திற்கு முதலில் ‘ஒரே இரவு' எனப் பெயரிடப்பட்டதாக கூறப்பட்டது. ஆனால் தற்போது ‘தூங்கா வனம்' என பெயர் வைக்கப்பட்டுள்ளதாக தகவல்கள் கசிந்துள்ளன.

மூன்று நாயகிகள்

மேலும் படத்தில் கமலுடன் மூன்று நாயகிகள் நடிக்க இருப்பதாகவும் கூறப்படுகிறது. முதல் நாயகி த்ரிஷா. அடுத்து மனீஷா கொய்ராலா. இவர் கமலுடன் இணைவது இது மூன்றாவது முறை.

அனைகா

அதே போல் 'காவியத்தலைவன்' படத்தில் நடித்த அனைகா ஷோதியும் ஒரு முக்கிய பாத்திரத்தில் நடிக்கிறார் என்கிறார்கள். இவர்கள் தவிர்த்து பிரகாஷ் ராஜ் ஒரு கேரக்டரிலும் நடிக்கிறார்.

ஜிப்ரான்

வழக்கம் போல் கமலின் மனம் கவர்ந்த இசையமைப்பாளர் ஜிப்ரான் படத்திற்கு இசையமைக்கிறார். படம் விரைவில் துவங்கப்பட உள்ளது. இப்படத்தில் கமலுடன் மற்றொரு ஹீரோவும் நடிப்பார் என தகவல்கள் தெரிவிக்கின்றன.