சந்திரமுகி 2 படத்தில் கங்கனா ரனாவத் ரோல் இதுதானா? லீக்கான தகவல்.. ஒருவேள இருக்குமோ!

காஞ்சனா சீரிஸ்

முனி படத்தில் ஆரம்பித்து காஞ்சனா, காஞ்சனா 2, 3 என பேய் படங்களை மக்கள் ரசிக்கும்படி காமெடி கலந்து ராகவா லாரன்ஸ் கொடுத்து ஹிட் ஆக்கிய நிலையில், சந்திரமுகி 2ம் பாகத்திலும் அவரே ஹீரோவாகி உள்ளார். சந்திரமுகி முதல் பாகத்தில் ரஜினி ஹீரோவாக நடித்த நிலையில், இந்த படத்தில் ரஜினி நடித்த சரவணன் கதாபாத்திரத்தின் சிஷ்யனாக ராகவா லாரன்ஸ் வருவார் என எதிர்பார்க்கப்படுகிறது.

ஹீரோயின் யாரு

சந்திரமுகி என்கிற டைட்டிலேயே ஹீரோயின் பேஸ்ட் சப்ஜெக்ட் தான். முதல் பாகத்தில் ஜோதிகா நடித்து மிரட்டிய நிலையில், 2ம் பாகத்தில் சந்திரமுகியாக யார் நடிக்கப் போகிறார்? என்கிற கேள்வி ரசிகர்கள் மத்தியில் எழுந்து வந்த நிலையில், கங்கனா ரனாவத் நடிக்கவிருப்பதாக தகவல்கள் வெளியாகி உள்ளன. ஆனால், இன்னமும் அது தொடர்பான அதிகாரப்பூர்வ அறிவிப்பை படக்குழு வெளியிடவில்லை.

தலைவியை தொடர்ந்து

பாலிவுட்டில் கங்கனா ரனாவத் நடிப்பில் வெளியாகி வரும் படங்கள் தொடர்ந்து சொதப்பி வருகின்றன. கடைசியாக தமிழில் தலைவி படத்தில் ஜெயலலிதா பயோபிக்கில் நடிகை கங்கனா ரனாவத் நடித்திருந்தார். இந்நிலையில், சந்திரமுகி 2 படத்தில் அவரை நடிக்க வைக்க படக்குழு தீவிர பேச்சுவார்த்தையில் இறங்கி உள்ளதாக சினிமா வட்டாரத்தில் பேச்சுக்கள் அடிபட்டு வருகின்றன.

என்ன ரோல்

சந்திரமுகி 2 படத்தில் கங்கனா ரனாவத் என்ன கதாபாத்திரத்தில் நடிக்க உள்ளார் என்பது குறித்த தகவல்களும் தற்போது கசிந்துள்ளன. பீரியட் போர்ஷனில் சந்திரமுகியாக கங்கனா ரனாவத் நடிக்கப் போகிறார் என்றும் அவருக்கு பெரிய சம்பளம் அதற்காக பேசப்பட்டு இருப்பதாகவும் அதிரடி தகவல்கள் பரவி வருகின்றன.

6 கோடி சம்பளம்

சந்திரமுகி 2 படத்தில் பிளாஷ்பேக் போர்ஷனில் நடிப்பதற்காக கங்கனா ரனாவத்துக்கு லைகா நிறுவனம் 6 கோடி ரூபாய் வரை சம்பளம் தர தயாராக இருப்பதாகவும், கங்கனா ரனாவத் 10 கோடி ரூபாய் வரை சம்பளம் எதிர்பார்ப்பதாகவும் பேச்சுக்கள் அடிபட்டு வருகின்றன. கூடிய விரைவிலேயே கங்கனா ரனாவத் ஆன்போர்ட் என்கிற அறிவிப்பு வெளியாகும் என எதிர்பார்க்கப்படுகிறது.

அடுத்த தீபாவளி

சந்திரமுகி 2 படத்தின் படப்பிடிப்பு அடுத்த ஆண்டு ஏப்ரல் மாதத்துடன் நிறைவடையும் என்றும் சிஜி உள்ளிட்ட போஸ்ட் ப்ரொடக்‌ஷன் பணிகள் நிறைவடைந்து அடுத்த ஆண்டு ஆயுத பூஜை அல்லது தீபாவளிக்கு படத்தை வெளியிட இயக்குநர் பி. வாசு மற்றும் தயாரிப்பு நிறுவனமான லைகா முடிவு செய்து வைத்திருப்பதாகவும் தகவல்கள் வெளியாகி உள்ளன.

கன்ஃபார்ம் ஹிட்

சந்திரமுகி படத்தை போலவே சந்திரமுகி 2 படமும் கன்ஃபார்ம் ஹிட் அடிக்கும் சப்ஜெக்ட் தான் என்கின்றனர். முதலில் அனுஷ்காவைத் தான் அந்த கதாபாத்திரத்தில் நடிக்க வைக்க முடிவு செய்ததாகவும், அவர் ஓகே சொல்லாத நிலையில், தான் தற்போது கங்கனா ரனாவத்திடம் பேச்சுவார்த்தை நடைபெற்று வருவதாகவும் கூறுகின்றனர்.