ஜெயிலர் பட நடிகர் கேப்டன் மில்லர் படத்தில் இணைந்தார்...எல்லாமே மாஸ்டர் பிளான் தான்!

கேப்டன் மில்லர்

ராக்கி மற்றும் சாணிக் காயிதம் படங்களை இயக்கிய அருண் மாதேஸ்வரன் கேப்டன் மில்லர் திரைப்படத்தை இயக்கி வருகிறார். பான் இந்தியா திரைப்படமாக உருவாகி வரும் இப்படத்தின் அட்டகாசமான மோஷன் போஸ்டரை படக்குழு வெளியிட்டு இருந்தது அந்த போஸ்டரில் போராளியாக தனுஷை முகமூடி அணிந்து மோட்டார் பைக்கில் வரும் போஸ்டர் மிகப்பெரிய அளவில் வைரலானது.

முன்னணி நடிகர்கள்

இப்படத்தில் தனுஷூக்கு ஜோடியாக பிரியங்கா மோகன் நடித்துள்ளார். மேலும், சந்தீப் கிஷன், நிவேதிதா சதீஷ், ஜான் கொக்கென், இளங்கோ குமரவேல் ஆகியோர் முக்கிய வேடங்களில் நடிக்கின்றனர். ஜீவி பிரகாஷ் இப்படத்திற்கு இசையமைத்துள்ளார். தனுஷின் தொடரி, பட்டாஸ், மாறன் படங்களை தயாரித்த சத்யஜோதி ஃபிலிம்ஸ் இப்படத்தையும் தயாரித்துள்ளது.

இதுவரை திரையில் பார்க்காத கதை

1930ம் ஆண்டு காலகட்டத்தில் நடக்கும் கதையை மையமாகக் கொண்டு இத்திரைப்படத்தின் கதை உருவாக்கப்பட்டுள்ளது. ஆக்ஷன் அட்வன்சர் படமாக தயாராக உள்ள இப்படம் தமிழ் சினிமா வரலாற்றிலேயே யாரும் தொடாத ஒரு கதையாக இருக்கும் என்று கூறப்படுகிறது.

முக்கிய கதாபாத்திரத்தில்

கேப்டன் மில்லர் படத்தின் படப்பிடிப்பு விறுவிறுப்பாக நடந்து வரும் நிலையில், இப்படத்தில் முக்கியமான கதாபாத்திரத்தில் மறைந்த பிரபல கன்னட நடிகர் புனித் ராஜ்குமாரின் சசோதரர் சிவராஜ்குமார் கமிட்டாகி உள்ளதாக தகவல் வெளியாகி உள்ளார். கன்னட நடிகர் சிவ ராஜ்குமார், சன் பிக்சர்ஸ் தயாரிப்பில் சூப்பர் ஸ்டார் ரஜினிகாந்த் நடிக்கும் ஜெயிலர் திரைப்படத்தில் மிக முக்கிய வேடத்தில் நடிக்க உள்ளார் என்பது குறிப்பிடத்தக்கது.