மாரி செல்வராஜ் படத்தை ரீமேக் செய்யும் கரன் ஜோஹர்... வெற்றி பெறுவாரா ?

உதயநிதியை இயக்கும் மாரிசெல்வராஜ்

தனுஷ் நடித்து பலரால் பாராட்டப்பட்ட கர்ணன் படத்தை இயக்கியவர் மாரி செல்வராஜ். இரண்டே படங்களை இயக்கி, தமிழ் சினிமாவில் அழுத்தமான இடத்தை பிடித்து, அனைவரையும் திரும்பி பார்க்க வைத்தவர் மாரி செல்வராஜ். தனுஷை தொடர்ந்து உதயநிதி ஸ்டாலின் நடிக்கும் படம் ஒன்றை இயக்க போகிறார். இந்த படத்தின் வேலைகள் 2022 ல் துவங்கப்பட உள்ளது.

பரியேறும் பெருமாள்

மாரி செல்வராஜை டைரக்டராக அடையாளம் காட்டி, 2018 ம் ஆண்டு வெளிவந்த படம் பரிமேறும் பெருமாள். இந்த படத்தை பா.ரஞ்சித்தின் நீலம் ப்ரொடக்ஷன்ஸ் தயாரித்தது. இந்த படத்தில் கதிர், ஆனந்தி ஆகியோர் லீட் ரோலில் நடித்திருந்தனர். இரு வேறு சாதிகளை சேர்ந்தவர்களுக்கு இடையேயான காதலை மையமாகக் கொண்ட படம் தான் பரிமேறும் பெருமாள்.

ரீமேக் செய்யும் கரன் ஜோஹர்

இந்த படத்தை ரீமேக் செய்வதற்கான உரிமத்தை தான் கரன் ஜோஹர் பெற்றுள்ளாராம். தமிழில் பரிமேறும் பெருமாள் படத்தை போன்று, மலையாளத்தில் வெளிவந்த டிரைவிங் லைசென்ஸ் படத்தையும் ரீமேக் செய்யும் உரிமத்தையும் இவர் தான் பெற்றுள்ளார். இந்த படத்தை அக்ஷய் குமார் மற்றும் இம்ரான் ஹாஸ்மியை இயக்கி வருகிறார்.

விருதுகளை குவித்த படம்

ஆவணக் கொலைகளை மையமாக் கொண்டு எடுக்கப்பட்ட பரியேறும் பெருமாள் படம், சிறந்த தென்னிந்திய திரைப்படத்திற்கான 66 வது ஃபிலிம் ஃபேர் விருது, நான்கு ஆனந்த விகடன் சினிமா விருதுகள், இரண்டு சைமா விருதுகள் உள்ளிட்ட பல விருதுகளை வென்றுள்ளது.

ரசிகர்கள் எதிர்பார்ப்பு

தமிழில் சொல்லப்பட்டதை போல் அழுத்தமாக சாதி பிரச்சனைகளை கரன் ஜோஹர் எடுத்து வைப்பாரா, இந்த படத்தில் யாரெல்லாம் நடிக்க போகிறார்கள், தமிழில் பெரிய அளவில் பேசப்பட்ட பரியேறும் பெருமாள் படம் இந்தியிலும் பேசப்படுமா என ரசிகர்கள் ஆர்வமாக காத்திருக்கிறார்கள்.