எதிர்பார்ப்பை அதிகரிக்கும் சுல்தான் ட்ரைலர்… இந்த வாரம் ரிலீசா!?

ஃபர்ஸ்ட் லுக்

இப்படத்தின் படப்பிடிப்பு கடந்த வருடம் மார்ச் மாதம் தொடங்கி கடந்த அக்டோபர் மாதமே நிறைவு பெற்றது. அப்போதே படத்தின் ஃபர்ஸ்ட் லுக் போஸ்டரும் வெளியானது. கொரோனா அச்சுறுத்தல் காரணமாக படத்தின் வெளியீடு தள்ளிப் போனது.

படக்குழு உறுதி

படத்தை OTT யில் வெளியிடுவதாக தகவல்கள் வந்து கொண்டிருந்த நிலையில் படக்குழு ஏப்ரல் 2ம் தேதி படத்தை திரையரங்குகளில் வெளியிடுவதாக அறிவித்தது. சட்டமன்ற தேர்தல் வருவதால் சில படங்கள் பின் வாங்குகிறது, இருந்தபோதும் ரிலீஸ் தேதியில் மாற்றமில்லை என படக்குழு உறுதியாக உள்ளது.

மூன்று பாடல்கள்

படக்குழு படத்தின் டீசரை சமீபத்தில் வெளியிட்டது, டீசரும் நல்ல வரவேற்பை பெற்றது. அதுமட்டுமன்றி 'ஜெய் சுல்தான்', 'யாரையும் இவளோ அழகா பார்க்கல' , & 'எப்படி இருந்த நாங்க' என மூன்று பாடல்களை வெளியிட்டுள்ளது. பாடல்களும் வைரலாகி வருகிறது.

இரட்டிக்கும் எதிர்பார்ப்பு

இந்நிலையில் படத்தின் 2:02 நிமிடங்கள் கொண்ட ட்ரைலர் இந்த வாரம் வெளிவரவுள்ளதாகவும், படத்தின் ட்ரைலர் ரசிகர்களின் எதிர்பார்ப்பை இரட்டிக்கும் எனவும் சினிமா வட்டாரங்களிடையில் சொல்லப்படுகிறது. இது குறித்த அதிகாரப்பூர்வ அறிவிப்பு கூடிய விரைவில் வெளிவரவுள்ளது.