விக்ரம் படத்தில் நடிக்காமல், வாய்ஸ் மட்டும் ஏன்?...கார்த்தி சொன்ன சூப்பர் தகவல்

விக்ரமில் வாய்ஸ் அப்பியரன்ஸ்

விருமன் படத்திற்கு முன், ரசிகர்களால் அதிகம் கொண்டாடப்பட்ட கமலின் விக்ரம் படத்தில் வாய்ஸ் அப்பியரன்ஸ் மட்டும் கொடுத்திருந்தார் கார்த்தி. லோகேஷ் கனகராஜ் இயக்கிய இந்த படத்தில் தில்லி ரோலில் தான் வாய்ஸ் கொடுத்தார் கார்த்தி. லோகேஷ் கனகராஜ் இயக்க உள்ள கைதி 2 படத்தின் ஆரம்பமாக இந்த சீன் இருக்கும் என சொல்லப்படுகிறது.

ரோலக்ஸ் - தில்லி மோதல் எப்படி இருக்கும்

ஆனால் விக்ரம் படத்தின் க்ளைமாக்சில் கார்த்தியின் சகோதரரான நடிகர் சூர்யா, ரோலக்ஸ் ரோலில் நடித்திருந்தார். இந்த கேரக்டர் ரசிகர்களை பெரிதும் கவர்ந்து, தற்போது வரை ரோலக்ஸ் கேரக்டரை கொண்டாடி வருகின்றனர். சூர்யா, ரோலக்சாக கெஸ்ட் ரோலில் நடித்த அந்த சீனில் கார்த்தியும் அதே போல நடித்திருந்தால் எப்படி இருக்கும். ஆனால் இவர் ஏன் நடிக்காமல், வாய்ஸ் மட்டும் கொடுத்தார் என ரசிகர்கள் தொடர்ந்து கெட்டு வருகின்றனர்.

கார்த்தி சொன்ன செம தகவல்

இந்நிலையில் சமீபத்தில் பிரஸ்மீட் ஒன்றில் பேசிய கார்த்தி, விக்ரம் படத்தின் க்ளைமாக்சில் என்னுடைய தில்லி ரோல் தேவைப்பட்டது. ஆனால் அந்த சமயத்தில் பொன்னியின் செல்வன் ஷுட்டிங் முடியாததால், வந்தியத்தேவன் ரோலுக்காக நீளமான முடியுடன் இருந்தேன். பொன்னியின் செல்வன் ஷுட்டிங் முடியாத நிலையில் தில்லி கேரக்டருக்காக தலைமுடியை வெட்ட முடியாது. அதனால் தான் ஆன்ஸ்கிரீன் அப்பியரன்ஸ் கொடுக்காமல், வாய்ஸ் மட்டும் கொடுத்தேன் என விளக்கம் அளித்தார்.

கைதி 2 அப்டேட் தந்த கார்த்தி

அதோடு லோகேஷ் கனகராஜுடன் 2023 ல் மீண்டும் கைதி 2 படத்தில் இணைய உள்ளதாகவும், விஜய்யின் தளபதி 67 ஷுட்டிங் முடிந்ததும் கைதி 2 வேலைகள் துவங்கப்படும் என்றும் கார்த்தி கன்ஃபார்ம் செய்தார். கைதி 2 படத்தில் சூர்யாவின் ரோலக்ஸ் கேரக்டரும் வரும் என ஏற்கனவே சொல்லப்படும் வருவதால் கைதி 2 படத்திற்காக ரசிகர்கள் காத்துக் கொண்டிருக்கிறார்கள்.

அடுத்த மாஸ் காத்திருக்கு

விருமன் படம் வெற்றி அடைந்த நிலையில் கார்த்தியின் அடுத்து எதிர்பார்க்கப்படும் படங்களான பொன்னியின் செல்வன் செப்டம்பர் 30 ம் தேதியும், சர்தார் படம் தீபாவளிக்கும் ரிலீசாக உள்ளன.