லிஃப்டில் பேய்.. ஹாரர் கதையை நம்பும் பிக்பாஸ் கவின்.. பிகில் அம்ரிதாவுக்கு என்ன ரோல் தெரியுமா?

பேய் படம்

விளம்பர படங்களை இயக்கி வந்த வினீத், இந்த படத்தின் மூலம் இயக்குநராக அறிமுகமாகிறார். லிஃப்ட் எனும் தலைப்பில் ஹாரர் படமாக உருவாகி வரும் இந்த படத்தில் பிக்பாஸ் கவின் மற்றும் பிகில் படத்தில் நடித்த அம்ரிதா அய்யர் ஜோடி சேர்ந்துள்ளனர். திகிலூட்டும் ஹாரர் படமாக லிஃப்ட் உருவாகி வருகிறது.

என்ன ரோல்

ஐடி நிறுவனத்தில் வேலை பார்க்கும் ஊழியர்களாக கவின் மற்றும் அம்ரிதா அய்யர் இந்த படத்தில் நடித்து வருகின்றனர். பல அடுக்கு மாடிகளை கொண்ட ஐடி கம்பெனியில் பணிபுரியும் ஊழியர்கள், பயன்படுத்தும் லிஃப்டில் பேய் வந்தால், எப்படி இருக்கும் என்பதை சீட் எட்ஜ் த்ரில்லராக மிரட்ட வருகிறதாம் லிஃப்ட்.

இறுதியில்

பிக்பாஸ் கவின் அடுத்ததாக சிவகார்த்திகேயன் தயாரிப்பில் நடிப்பார் என்ற எதிர்பார்ப்புகள் எழுந்து வந்த நிலையில், சத்தமே காட்டாமல் இப்படி ஒரு பேய் படத்தில் கவின் மற்றும் அம்ரிதா அய்யர் நடித்து முடித்துள்ளனர். படத்தின் ஷூட்டிங், செம ஸ்பீடில் நடைபெற்று தற்போது இறுதிகட்டத்தை நெருங்கி உள்ளதாம்.

ஏன் இந்த படம்

பிக்பாஸ் வீட்டில் இருந்து வெளியேறியதும், நடிகர் கவின், இந்த கதையை கேட்டுள்ளார். அப்படி என்னதான் இந்த ஸ்க்ரிப்டில் இருக்கிறது என்பதை உற்றுநோக்கிய கவின், நடிப்பதற்கான ஸ்கோப் பயங்கரமாக இருப்பதை கண்டறிந்துள்ளார். நிச்சயம், இந்த படத்தில், தனது முழு நடிப்புத் திறமையும் வெளிக் கொண்டு வர முடியும் என நினைத்த கவின், உடனடியாக இந்த படத்தில் நடிக்க சைன் போட்டதாக கூறியுள்ளார்.

எப்போ ரிலீஸ்

வரும் ஏப்ரலில் படத்தை ரிலீஸ் செய்து விடலாம் என்ற திட்டத்தில் இருந்த லிஃப்ட் படக்குழுவினருக்கும், கொரோனா அச்சம் ரிலீஸ் தேதியை உறுதி செய்ய முடியாமல் தடுத்து வருகிறது. அறிமுக இசையமைப்பாளர் பிரிட்டோ இசையில், டெடி, நட்புன்னா என்னானு தெரியுமா படத்திற்கு ஒளிப்பதிவு செய்த யுவா லென்ஸில் உருவாகி உள்ள இந்த படம் மே மாதம் வெளியாகும் என தெரிகிறது.