நடிகை பார்வதிக்கு மிரட்டல் விடுத்த நபர் கைது... கேரள போலீஸ் நடவடிக்கை!

பார்வதிக்கு எதிர்ப்பு

மம்முட்டி நடித்த 'கசாபா' படத்தை விமர்சித்ததையடுத்து, நடிகை பார்வதிக்கு எதிராக சமூக வலைதளங்களில் மம்முட்டியின் ரசிகர்கள் தொடர்ந்து கருத்துகளை பதிவிட்டு வருகின்றனர். இது தொடர்பாக மிரட்டல்களும் வந்துள்ளன.

போலீசில் புகார்

பார்வதிக்கு சமூக வலைதளங்களில் சகித்துக்கொள்ள முடியாத அளவில் மிரட்டல்கள் வந்துகொண்டேயிருப்பதாகத் தெரிவித்தார். அதைத் தொடர்ந்து பார்வதி போலீஸில் புகார் செய்து உள்ளார். மாநில டிஜிபி லோக்நாத் பெக்ராவிடம் பார்வதி புகார் அளித்தார்.

ஒருவர் கைது

நடிகை பார்வதியின் புகார் குறித்து கேரள சைபர் போலீசார் விசாரணையை தொடங்கினார்கள். இதில், வடக்கன்சேரி பகுதியை சேர்ந்த பிரின்டோ எனும் 23 வயது இளைஞர் கைது செய்யப்பட்டு உள்ளார்.

ஜாமீனில் வெளிவரமுடியாதவாறு வழக்கு

அவர் மீது தகவல் தொழில்நுட்ப சட்ட பிரிவுகளின் கீழ் ஜாமீனில் வெளிவர முடியாத அளவில் வழக்கு பதிவு செய்யப்பட்டு உள்ளது. இந்த வழக்கில் பலர் கைது செய்யப்படுவர் எனவும் போலீசார் கூறியுள்ளனர்.

அமைச்சர் கண்டனம்

மலையாளம் மட்டுமின்றி 'பெங்களூர் நாட்கள்' உள்ளிட்ட தமிழ்ப் படங்களிலும் நடித்திருக்கிறார் பார்வதி. இதற்கிடையே, பார்வதி மீதான அவதூறு விமர்சனங்களுக்கு கேரள மாநில நிதி அமைச்சர் தாமஸ் கண்டனம் தெரிவித்துள்ளார்.