ஃபீல்டுக்கு வெளியே கோஹ்லி வேற மாதிரி: அனுஷ்கா சொன்ன ரகசியம்

கோஹ்லி

விராட் கோஹ்லி கிரிக்கெட் மைதானத்தில் இருப்பது போன்று நிஜத்தில் இருக்க மாட்டார். நான் பார்த்த சாந்தமான மனிதர்களில் அவரும் ஒருவர். நிஜத்தில் அவர் ரொம்ப கூலானாவர். நம்பிக்கை இல்லை என்றால் என் நண்பர்கள், என் குழுவினரிடம் கேட்டுப் பாருங்கள். அவர் ரொம்ப பேஷனேட்டாக இருப்பதால் மைதானத்தில் அப்படி உள்ளார்.

சாந்தம்

நிஜ வாழ்க்கையில் விராட் கோஹ்லி ஆக்ரோஷமானவர் இல்லை. அவரை பார்த்தாலே வாவ், மனிதர் இந்த அளவுக்கு சாந்தமாக இருக்கிறாரே என்று தான் நினைக்கத் தோன்றும். நாங்கள் எங்களின் துறைகளில் பிசியாக இருப்பதால் நேரம் கிடைக்கும் போது எல்லாம் சேர்ந்து இருப்போம். விமான நிலையங்களில் ஒருவரையொருவர் ரிசீவ் செய்வோம்.

மரியாதை

வேலையை விட்டுவிட்டு என்னுடன் அதிகம் நேரம் செலவிடுங்கள் என்று நான் ஒருபோதும் விராட்டிடம் சொல்ல மாட்டேன். அவரும் அப்படித் தான். நான் அவரின் வேலையை மதிக்கிறேன், அவர் என் வேலையை மதிக்கிறார். அதனால் எங்களுக்கு இடையே கருத்து வேறுபாட்டுக்கு இடமே இல்லை, மரியாதை தான் உள்ளது.

தோனி

நான் கர்ப்பமாக இருப்பதாக வெளியான தகவலில் உண்மை இல்லை. இது குறித்து நான் விளக்கம் அளிக்க வேண்டிய அவசியமும் இல்லை என்று தெரிவித்துள்ளார் அனுஷ்கா. கோஹ்லி ரொம்ப கூலானவர் என்று அனுஷ்கா கூறியதை நம்ப ரசிகர்கள் தயாராக இல்லை. அனுஷ்கா பேசியதை பார்த்தால் அவர் கோஹ்லி அல்ல தோனியை பற்றி பேசியது போன்று உள்ளது என்கிறார்கள் ரசிகர்கள்.