கோவை சரளாவா இது?..‘செம்பி‘ பட டிரைலரை பார்த்து வியந்து போன ரசிகர்கள்!

கோவை சரளா

1983ம் ஆண்டு வெளியான முந்தானை முடிச்சு படத்தில் ஒரு சிறு கதாபாத்திரத்தில் நடித்து அறிமுகமானவர் கோவை சரளா. அந்த படத்தில் வரும் விவகாரமான முருங்கைக்காய் காமெடி இவர் மூலமாகத்தான் பிரபலமானது. அனைத்தொடர்ந்து ஒரு சில திரைப்படத்தில் நடித்த கோவை சரளா, சின்னவீடு திரைப்படத்தில் பாக்யராஜின் அம்மாவாக நடித்தார். அந்த படத்தில் 'கோபாலு... கோபாலு' என்று இவர் பேசுவது அனைவரும் பிடித்து போக அடுத்தடுத்து படங்களில் நடிக்க வாய்ப்பு கிடைத்தது.

750க்கும் மேற்பட்ட படங்களில்

கவுண்டமணி, செந்தில் கூட்டணியில் கரகாட்டக்காரன் திரைப்படம் இவரை புகழின் உச்சுக்கு கொண்டு சென்றது எனலாம். இந்த படத்தில் இடம் பெற்ற வாழைப்பழ காமெடியும், சௌப்பான சுந்தரி காமெடியும் இன்று வரை பிரபலமாக உள்ளது. கிட்டத்தட்ட 750 படங்களுக்கு மேல் நடித்த கோவை சரளா. நடிகர் கமலுடன் சதிலீலாவதி படத்தில் அவருக்கு ஜோடியாக நடித்தார்.அந்த படத்தில் கோயம்புத்தூர் ஸ்லாங்கில் பட்டைய கிளப்பினார். கமலுடன் இணைந்து மாருகோ... மாருகோ பாடலை பாடி பாடகியாகவும் மாறினார்.

செம்பி படத்தில்

அம்மா, அக்கா என எந்த கதாபாத்திரம் கொடுத்தாலும் ஆச்சி மானோரம் போல மிரட்டும் கோவை சரளா தற்போது, இயக்குநர் பிரபு சாலமன் இயக்கத்தில் உருவாக உள்ள 'செம்பி'படத்தில் 70 வயது மூதாட்டி கதாபாத்திரத்தில் நடித்துள்ளார். இந்த படத்தில் 'குக் வித் கோமாளி' புகழ் அஸ்வின் குமார் மற்றும் தம்பி ராமையா ஆகியோர் நடித்துள்ளனர்.

பாராட்டும் ரசிகர்கள்

இந்நிலையில், செம்பி திரைப்படத்தின் இரண்டாவது டிரைலரை நடிகர் தனுஷ் தனது ட்விட்டர் பக்கத்தில் வெளியிட்டுள்ளார். இந்த டிரைலரின் ஆரம்பம் முதல் இறுதி வரை கோவை சரளா மிரட்டி உள்ளார். தமிழ் சினிமாவில் இதுவரை நடிக்காத ஒரு கதாபாத்திரத்தில் கோவை சரளா நடித்துள்ளார். அந்த படத்தின் டிரைலரைப் பார்த்த ரசிகர்கள் கோவை சரளாவின் நடிப்பை வெகுவாக பாராட்டி வருகின்றனர்.