Click it and Unblock the Notifications
மீண்டும் களமிறங்கியது லஹரி மியூசிக்.. 'மசாலா படம்' இசை உரிமையை வாங்கியது!
எண்பதுகளின் இறுதியிலும், தொன்னூறுகளிலும் பிஸியான இசை வெளியீட்டு நிறுவனங்களில் ஒன்றாகத் திகழ்ந்த லஹரி மியூசிக் நிறுவனம், ஒரு இடைவெளிக்குப் பிறகு மீண்டும் களத்தில் குதித்துள்ளது.
பாபி சிம்ஹா, மிர்ச்சி சிவா நடிப்பில் 'ஆல் இன் பிக்சர்ஸ்' விஜய ராகவேந்திரா தயாரிக்கும் 'மசாலா படம்' இசை உரிமையை வாங்கியுள்ளது. அறிமுக இயக்குனர் லக்ஷ்மன் இயக்கும் இப்படத்திற்கு புதுமுக இசையமைப்பாளர் கார்த்திக் ஆச்சார்யா இசையமைக்கிறார்.
இதுகுறித்து லஹரி நிறுவன இயக்குநர் சந்துரு மனோகரன் கூறுகையில், "ஆல் இன் பிக்சர்ஸ் தயாரித்துள்ள ‘மசாலா படம்' ஆடியோ உரிமையைப் பெற்றதில் எங்கள் நிறுவனம் பெருமகிழ்ச்சியடைகிறது. இளம் இசையமைப்பாளர் கார்த்திக் ஆச்சார்யாவின் இசை நன்றாக வந்துள்ளது. படத்தின் டிரைலர், டீசர் ஆகியவை பார்த்தேன், இந்த இளம் கூட்டணியின் தயாரிப்பு மிகவும் திருப்தி அளிக்கிறது.
லஹரி மியுசிக் தமிழ், தெலுங்கு, கன்னடா ஆகிய மொழிகளில் லஹரி மியுசிக் ஆடியோ உரிமைகளை பெற்று வருகிறது. நீண்ட இடைவெளிக்கு பிறகு ‘மசாலா படம்' மூலம் தமிழ் இசையுலகில் மீண்டும் வருவது பெரும் மகிழ்ச்சி அளிக்கிறது," என்றார்.
Continue with Google