பேயா.. ராயா.. பாத்துருவோம் ஒரு கை... இது சவுகார்ப்பேட்டை கலாட்டா!

பேயை நம்பலாம்...

எனவே, முந்தைய இரண்டு பேய்ப் படங்களைப் போலவே இப்படமும் தனக்கு நல்ல பெயர் வாங்கித் தரும் என ராய்லட்சுமி நம்புகிறாராம். அதுபோகவே, லட்சுமி ராய் என்ற தன் பெயரை ராய் லட்சுமி என மாற்றிய பின்னர் வெற்றிப் படங்கள் அமைவதால் அவர் மகிழ்ச்சியில் இருக்கிறாராம்.

சவுகார்பேட்டை....

சென்னையில் உள்ள சவுகார்பேட்டை மற்றும் அதனை சுற்றியுள்ள பகுதிகளில் இப்படம் படமாக்கப் படுகிறது. படத்தின் போஸ்டர்களைப் பார்த்தாலே இது நிச்சயம் பேய் படமாகத் தான் இருக்க வேண்டும் என சொல்லாமலேயே புரிகிறது.

ராய் லட்சுமிக்கு போட்டியாய்...

ராய் லட்சுமிக்கு போட்டியாக ஒரு ரூபாய் அளவு குங்குமப் பொட்டோடு, தலை விரி கோலமாய் திகில் கிளப்புகிறார் ஸ்ரீகாந்த். ஒரு புகைப்படத்தில் ராய் லட்சுமி முகத்தில் ரத்தம் வழிகிறது. சோ, நிச்சயமாக இது பழிவாங்கும் காதல் பேய்க்கதையாகத் இருக்க வேண்டும்.

காமெடி விருந்து....

சமீபத்தில் இப்படத்தின் படப்பிடிப்பு தொடங்கியது. இப்படத்தில் மனோபாலா, சரவணன், விவேக், அப்புகுட்டி, கோட்டா சீனிவாசராவ், சம்பத், கோவை சரளா, சுமன், பவர்ஸ்டார் சீனிவாசன், நான் கடவுள் ராஜேந்திரன் ஆகியோரும் நடிக்கிறார்கள். எனவே, நிச்சயமாக காமெடி விருந்தும் காத்திருக்கிறது.

சவுகார்ப்பேட்டை காஞ்சனா

ஆக மொத்தத்தில் காதல், ஆக்‌ஷன், செண்டிமெண்ட், திகில், ஹாரர், காமெடி என எல்லாம் கலந்த கமர்ஷியல் படமாக சவுகார்பேட்டை இருக்கும் என நம்பலாம்.