ஆக்ஷன் ஜாக்சனின் 10 நாள் வசூலை மூன்று தினங்களில் முறியடித்த லிங்கா!

எந்திரன் வசூலை மிஞ்சுமா?

இதற்கு முன் விஸ்பரூபம் படத்தின் அமெரிக்க வசூலை இந்த படம் முறியடித்து உள்ளது. 1.3 மில்லியன் டாலர் வசூல் செய்து அமெரிக்காவில் தமிழ் பட வரிசையில் 2 வது இடத்தை பிடித்து உள்ளது. எந்திரன் தற்போது வரை முதல் இடத்தில் உள்ளது. லிங்கா தொடரந்து இதே வசூல் ஈட்டினால் எந்திரன் சாதனையை முறியடிக்க வாய்ப்புள்ளது.

வெளிநாடுகளில்

இங்கிலாந்தில் 1,71,086 யூரோ,மலேசியாவில் 1,263,060 ரிங்கட், வசூலாகி உள்ளது. படத்தின் நீளம் கருதி லிங்கா திரைப்படம் 10 நிமிடக் காட்சிகள் குறைக்கப்பட்டன. இப்போது இன்னும் விறுவிறுப்பாக உள்ளதால், அதே கூட்டம் தொடர்கிறது.

ஆக்ஷன் ஜாக்ஸன்

நடிகரும் டைரக்டருமான பிரபுதேவா இயக்கத்தில் கஜோலின் கணவர் அஜய் தேவ்கான் நடிப்பில் உருவான ஆக்‌ஷன் ஜாக்சன் படம் வெளியாகி உலக அளவில் ஓடிகொண்டு இருக்கிறது. ஆக்‌ஷன் ஜாக்சன் படத்தின் 10 நாள் வசூலை லிங்கா மூன்றே நாட்களில் முறியடித்துவிட்டது.

அமெரிக்காவில்

இரண்டாவது வாரமாக ஓடும் ஆக்‌ஷன் ஜாக்சன் அமெரிக்காவில் 10 நாட்களில் 1,85,807 டாலர் வசூலித்துள்ளது. அதாவது இந்திய பணத்தில் ரூ1.16 கோடி. இதை விட 7 மடங்கு வசூலை 3 நாட்களில் லிங்கா படம் வசூலித்து சாதனைப் படைத்து உள்ளது. லிங்கா படம் 3 நாட்களில் 1,376, 406 டாலர். அதாவது ரூ.8.41 கோடி வசூல் செய்து சாதனைப் படைத்துள்ளது.

இங்கிலாந்தில்

இங்கிலாந்தில் ஆக்‌ஷன் ஜாக்சன் 20 தியேட்டர்கள் இரண்டாவது வாரத்தில் 10,568 யூரோ இந்திய பணத்தில் 92.19 லட்சம் வசூல் செய்து உள்ளது. லிங்கா 36 தியேட்டர்களில் திரையிடப்பட்டு 3 நாட்களில்,71,068 யூரோ அதாவது ரூ1.68 கோடி வசூல் செய்துள்ளது.

சர்வதேச அளவில்

சர்வதேச அளவில் ஆக்‌ஷன் ஜாக்சன் 10 நாட்களில் சுமார் 50,395 டாலர் அதாவது ரூ10.77 கோடி வசூல் செய்து உள்ளது. லிங்கா 3 நாட்களில் 1.95 லட்சம் டாலர் அதாவது ரூ12.39 கோடி வசூல் செய்து சாதனை புரிந்து உள்ளது.