உலக அளவில் அதிக வசூல் குவித்த தமிழ்ப் படங்களில் லிங்காவுக்கு மூன்றாம் இடம்!

முதல் இடம் எந்திரனுக்கு...

சர்வதேச அளவில் அதிக வசூல் குவித்த தமிழ்ப் படங்களில் முதலிடத்தில் உள்ளது ரஜினியின் எந்திரன். இந்தப் படம் மொத்தம் 12 மில்லியன் டாலர்களைக் குவித்துள்ளது. வெளியான நான்கு ஆண்டுகளுக்குப் பிறகும் அந்த சாதனையை வேறு படங்களால் தொடக்கூட முடியவில்லை.

சிவாஜி

ரஜினி நடிப்பில் வெளியான சிவாஜிக்குத்தான் இரண்டாம் இடமும் கிடைத்துள்ளது. இந்தப் படம் அனைத்து நாடுகளிலும் சேர்த்து 8 மில்லியன் டாலர்களைக் குவித்துள்ளது.

மூன்றாம் இடத்தில் லிங்கா

லிங்காவுக்கு இந்த வரிசையில் மூன்றாவது இடம் கிடைத்துள்ளது. இதுவரை 6 மில்லியன் டாலர்கள் இந்தப் படத்துக்கு வசூலாகியுள்ளது. இந்த வாரம் முழுக்க ஓடி முடிந்தால், அநேகமாக சிவாஜியின் வசூல் தொகைக்கு இணையாக வரக்கூடும் என கணிக்கப்படுகிறது.

கத்தி

விஜய் நடித்த கத்திக்கு இந்த டாப் 5 படங்களின் வரிசையில் ஒரு இடம் கிடைத்துள்ளது. 5.7 மில்லியன் டாலர்கள் ஈட்டி நான்காம் இடத்தில் உள்ளது இந்தப் படம்.

தசாவதாரம்

கமல் நடித்த தசாவதாரம் 5.2 மில்லியன் டாலர்கள் வசூலித்து ஐந்தாம் இடத்தைப் பெற்றுள்ளது.